Паўкусцік, які ўтварае даволі густыя дзярніны. Сцеблы моцна разгалінаваныя. Кветканосныя парасткі да 6 см вышыні, апушаныя пад суквеццем кароткімі, уніз адагнутымі валасінкамі, густа пакрыты лісцем. Лісце чарашковае, лінейна-лапатчатае, з выпуклымі бакавымі жылкамі, па краі, амаль да сярэдзіны раснічастыя. Суквецце галоўчатае, шчыльнае. Вяночак цёмна-ліловы. Цвіце ў чэрвені-жніўні, пладанасіць у жніўні-верасні. Размнажэнне вегетатыўнае і насеннае. Расце ў супольнасцях камяністага стэпу і на скальных агаленнях[1].
