Ён Баўэр

Ён Баўэр
John Bauer
Ён Баўэр, аўтапартрэт, 1908 г.
Дата нараджэння	4 чэрвеня 1882(1882-06-04)[…]
Месца нараджэння	Ёгчопінг-Крысціна[d], Швецыя
Дата смерці	20 лістапада 1918(1918-11-20)[…] (36 гадоў)
Месца смерці	Ветэрн, камуна Аскерсунд, лен Эрэбру, Швецыя або Sankt Matteus[d], Швецыя
Месца пахавання	Усходнія могілкі[…]
Падданства	Швецыя
Грамадзянства	Швецыя
Бацька	Joseph Bauer[d]
Маці	Emma Charlotta Bauer[d]
Жонка	Эстэр Эльквіст
Род дзейнасці	мастак, ілюстратар
Подпіс
Медыяфайлы на Вікісховішчы

Ён Баўэр (шведск.: John Bauer; 4 чэрвеня 1882 — 20 лістапада 1918) — шведскі мастак і ілюстратар. Шырока вядомы сваімі ілюстрацыямі да казак «Сярод эльфаў і троляў» (шведск.: Bland tomtar och troll), якія штогод публікаваліся ў Швецыі на Ражство.

Біяграфія

Ён Баўэр нарадзіўся ў горадзе Ёнчэпінг у паўднёвай Швецыі, дзе рос разам з двума братамі і сястрой — Ганнай Баўэр. Ранняя смерць Ганны ў 13 гадоў зрабіла цяжкае ўражанне на Баўэра і яго братоў. З дзяцінства Баўэр любіў праводзіць час за маляваннем, спачатку абмяжоўваючыся невялікімі малюнкамі і накідамі. Калі яму споўнілася 16, ён з'ехаў у Стакгольм, дзе праз два гады паступіў у Шведскую каралеўскую акадэмію мастацтваў.

Ілюстрацыя да зімовай казкі пра Yule Goat — Калядную казу (1912 г.)

У акадэміі ён сустрэў Эстэр Эльквіст, на якой жаніўся ў снежні 1906 г. У 1908—1910 гг. яны разам адправіліся ў паездку па паўднёвай Германіі і Італіі. Знаёмства з раннім італьянскім адраджэннем аказала глыбокае ўздзеянне на творчасць Баўэра.

Прынцэса Туўстар (1913 г.) — адна з самых значных прац Баўэра

Ілюстрацыі да казак «Сярод эльфаў і троляў», над якімі Ён Баўэр працаваў у перыяд з 1907 па 1915 гг., зрабілі яго адным з самых вядомых казачных мастакоў Швецыі. Спрабаваў ён і іншыя спосабы выраза: ствараў манументальныя фрэскі, складаў казачныя дзіцячыя п'есы, а таксама напісаў лібрэта для балета «Горны кароль» (шведск.: «Bergakungen»).

У 1918 годзе ў мастака пачаліся сямейныя праблемы і частыя дэпрэсіі. Тады ў пошуках лепшага жыцця ён вырашыў адправіцца разам з жонкай і трохгадовым сынам на пароме праз возера Ветэрн у Стакгольм. Але на возеры пачаўся сапраўдны шторм, паром затануў. Ён Баўэр і яго сям'я загінулі.

Спасылкі

• На Вікісховішчы ёсць медыяфайлы па тэме Ён Баўэр
• Музей Ёна Баўэра Архівавана 28 кастрычніка 2005. (англ.) (шведск.) (ням.)
• Ён Баўэр на Art Passions Архівавана 28 ліпеня 2007.