Адкрыты спіс

Адкрыты спіс — адкрытая шматмоўная база дадзеных ахвяраў палітычных рэпрэсій на тэрыторыі СССР, створаная расійскім дабрачынным фондам “Працягні руку”.

База дадзеных створана на рухавіку MediaWiki, што дазваляе карыстальнікам рэдагаваць звесткі, дадаваць фотаздымкі і біяграфіі асоб. Тэкставыя матэрыялы публікуюцца па свабоднай ліцэнзіі Creative Commons Attribution-ShareAlike 3.0 Unported.

У 2016 годзе быў створаны раздзел на рускай мове. У якасці асновы была была ўзята база дадзеных “Ахвяры палітычнага тэрора ў СССР” таварыства “Мемарыял”. На сярэдзіну 2017 года рускі раздзел сайта ўтрымліваў больш за 2,8 млн фармуляраў рэпрэсаваных і з'яўляўся найбольшай з існуючых баз ахвяраў палітычнага тэрора ў СССР.

З вясны 2017 года працуюць раздзелы на беларускай, украінскай і грузінскай мовах.

Гл. таксама

• Рэпрэсіі ў БССР

Спасылкі

• Беларускі раздзел "Адкрытага спіса"