Алег Іванавіч Чыкіда

Алег Іванавіч Чыкіда
старшыня Магілёўскага раённага выканаўчага камітэта[d] з 12 чэрвеня 2019
старшыня Мсціслаўскага раённага выканаўчага камітэта[d] 2005 — 2009
Пераемнік	Васіль Уладзіміравіч Віцюноў
Дэпутат Магілёўскага абласнога Савета дэпутатаў[d] 2014 — 2018
Нараджэнне	29 жніўня 1968(1968-08-29) (56 гадоў) Тураў, Жыткавіцкі раён, Гомельская вобласць, БССР, СССР
Адукацыя	Віцебскі ветэрынарны інстытут (1992) Акадэмія кіравання пры Прэзідэнце Рэспублікі Беларусь (2006)
Узнагароды

Алег Іванавіч Чыкіда (нар. 29 жніўня 1968, Тураў, Жыткавіцкі раён, Гомельская вобласць) — дзяржаўны дзеяч.

Біяграфія

Нарадзіўся ў 1968 годзе ў Тураве Жыткавіцкага раёна. У 1985—1987 і 1989—1992 гадах вучыўся ў Віцебскім ветэрынарным інстытуце па спецыяльнасці «ветэрынарыя». У 1987—1989 гадах служыў у радах Савецкай арміі.

У 1992—1999 гг. галоўны ветэрынарны ўрач АТП «Горацкае» Горацкага раёна Магілёўскай вобласці, у 1999—2000 гг. намеснік генеральнага дырэктара. У 2000—2002 гг. старшыня калгаса імя Мічурына Горацкага раёна. З студзеня па сакавік 2002 гг. першы намеснік начальніка ўпраўлення сельскай гаспадаркі і харчавання па жывёлагадоўлі Горацкага райвыканкама, у 2002—2004 гг. першы намеснік старшыні — начальнік упраўлення.

У 2004—2005 гг. першы намеснік старшыні камітэта па сельскай гаспадарцы і харчаванні Магілёўскага аблвыканкама.

У 2005—2009 гг. старшыня Мсціслаўскага раённага выканаўчага камітэта. У 2006 годзе скончыў Акадэмію кіравання пры Прэзідэнце Рэспублікі Беларусь па спецыяльнасці «дзяржаўнае і мясцовае кіраванне».

У 2009—2014 гг. старшыня камітэта па сельскай гаспадарцы і харчаванні Магілёўскага аблвыканкама. З мая па жнівень 2014 гг. намеснік старшыні Магілёўскага аблвыканкама — старшыня камітэта па сельскай гаспадарцы і харчаванні. У 2014—2015 гг. першы намеснік старшыні Магілёўскага аблвыканкама — старшыня камітэта па сельскай гаспадарцы і харчаванні. У 2015—2018 гг. першы намеснік старшыні Магілёўскага аблвыканкама.

Дэпутат Магілёўскага абласнога Савета дэпутатаў 27-га склікання. З 12 чэрвеня 2019 года старшыня Магілёўскага раённага выканаўчага камітэта.

Узнагароды

Узнагароджаны медалём «За працоўныя заслугі» (22 снежня 2020).

Спасылкі

• На сессии райсовета депутатов Олега Чикиду утвердили в должности председателя Могилевского райисполкома (Обновлено). ФОТО