Перайсці да зместу

Аляксандар Еўціч

З Вікіпедыі, свабоднай энцыклапедыі
Футбол
Аляксандар Еўціч
Агульная інфармацыя
Нарадзіўся 30 сакавіка 1985(1985-03-30)[1][2] (39 гадоў)
Грамадзянства  Сербія
Рост 182 см
Вага 79 кг
Пазіцыя нападнік
Маладзёжныя клубы
Сербія і Чарнагорыя Црвена Звезда (Бялград)
Клубная кар’ера[* 1]
2003—2004 Сербія і Чарнагорыя Балкан Буковіца 30 (11)
2004—2005 Сербія і Чарнагорыя Смедарава 6 (0)
2005 Сербія і Чарнагорыя Жэлезнічар (Смедарава) 13 (2)
2005—2007 Сербія і Чарнагорыя Сербія Мачва (Шабац) 45 (13)
2007 Сербія Борац (Чачак) 11 (5)
2007—2009 Турцыя Генчлербірлігі (Анкара) 6 (0)
2008 →  Сербія Борац (Чачак) 15 (3)
2008—2009 →  Сербія ОФК (Бялград) 28 (8)
2009—2011 Сербія Црвена Звезда (Бялград) 50 (12)
2011—2013 Кітай Цзянсу Сайнці 74 (22)
2014 Кітай Ляанін Хувін 23 (4)
2015 Беларусь БАТЭ (Барысаў) 7 (1)
2016 Сербія Ягодзіна 15 (2)
2016—2017 Сербія Чукарычкі (Бялград) 25 (6)
2017 Тайланд Патая Юнайтэд 13 (8)
2018—2019 Сербія Вождавац 18 (4)
Нацыянальная зборная[* 2]
2007 Сербія Сербія 1 (0)
Трэнерская кар’ера
2020—2021 Сербія Вождавац трэнер
2021—2024 Сербія Графічар (Бялград) трэнер
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 7 мая 2024.
  2. ↑ Колькасць гульняў і галоў за нацыянальную зборную ў афіцыйных матчах

Аляксандар Еўціч (сербск.: Александар Јевтић / Aleksandar Jevtić, нар. 30 сакавіка 1985, Шабац, Сербія) — сербскі футбаліст (нападнік) і трэнер.

Клубная кар’ера

[правіць | правіць зыходнік]

Выхаванец «Црвены Звезды», пазней выступаў у клубах ніжэйшых ліг. У 2007 годзе дэбютаваў у сербскай Суперлізе ў складзе «Бораца», адкуль неўзабаве трапіў у турэцкі «Генчлербірлігі». Аднак, замацавацца ў Турцыі не здолеў — за паўгады правёў 6 матчаў, пасля чаго вярнуўся ў «Борац» на правах арэнды. У сезоне 2008/2009 паспяхова гуляў за ОФК, у выніку звярнуў на сябе ўвагу «Црвены Звезды», якая набыла нападніка ў туркаў.

У ліпені 2011 года перабраўся ў кітайскі «Цзянсу Сайнці», які незадоўга да таго ўзначаліў сербскі трэнер Драган Акука. За 2,5 гады ў «Цзянсу Сайнці» забіў 22 галы, стаў уладальнікам Суперкубка Кітая. У снежні 2013 года перайшоў у іншы кітайскі клуб «Ляанін Хувін», які пакінуў па заканчэнні сезона 2014.

У жніўні 2015 года стала вядома аб тым, што да Еўціча, які знаходзіўся ў статусе свабоднага агента, праяўляе інтарэс беларускі БАТЭ[3]. 28 жніўня, пасля выхаду ў групавы этап Лігі чэмпіёнаў, барысаўскі клуб абвясціў аб падпісанні кантракта з Еўцічам[4]. Дзякуючы траўмам Віталя Радзівонава і Мікалая Сігневіча атрымаў магчымасць замацавацца ў аснове. 20 верасня ўпершыню з’явіўся ў стартавым складзе БАТЭ ў матчы супраць «Тарпеда-БелАЗ», на 11-й хвіліне забіў адзіны гол у гэтай сустрэчы. Пазней, аднак, саступіў месца ў складзе Дзмітрыю Мазалеўскаму, які аднавіўся ад траўмы. Па заканчэнні сезона ў снежні 2015 года пакінуў барысаўскі клуб[5].

У студзені 2016 года стаў іграком клуба «Далянь Іфань»[6], але ўжо ў лютым вярнуўся ў Сербію, падпісаўшы кантракт з «Ягодзінай»[7]. У жніўні 2016 года перайшоў у «Чукарычкі». У ліпені 2017 года зноў накіраваўся ў Азію, стаўшы іграком тайландскага клуба «Патая Юнайтэд», па заканчэнні сезона 2017 пакінуў яго. У ліпені 2018 года далучыўся да клуба «Вождавац».

У студзені 2020 года завяршыў кар’еру і ўвайшоў у трэнерскі штаб «Вождаваца»[8]. У лютым 2021 года стаў трэнерам у «Графічары», у 2024 годзе перайшоў на працу ў юнацкую каманду клуба.

Міжнародная кар’ера

[правіць | правіць зыходнік]

14 снежня 2008 года згуляў свой адзіны матч за нацыянальную зборную Сербіі, калі выйшаў на замену на 58-й хвіліне таварыскай гульні супраць Польшчы.

Дасягненні

[правіць | правіць зыходнік]
  • Сербія 02Сярэбраны прызёр Срэбраны прызёр чэмпіянату Сербіі (2): 2009/10, 2010/11
  • Сербія Уладальнік Кубка Сербіі: 2010
  • Кітай 02Сярэбраны прызёр Срэбраны прызёр чэмпіянату Кітая: 2012
  • Кітай Уладальнік Суперкубка Кітая: 2013
  • Беларусь 01Чэмпіён Чэмпіён Беларусі: 2015

Крыніцы

[правіць | правіць зыходнік]
  1. ↑ Aleksandar Jevtic // Transfermarkt — 2000. Праверана 9 кастрычніка 2017.
  2. ↑ Aleksandar Jevtic // As — Madrid: PRISA, 1967. — ISSN 1888-6671
  3. ↑ БАТЭ просматривает сербского форварда Евтича (руск.). by.tribuna.com.
  4. ↑ Александар Евтич заключил контракт с БАТЭ (руск.). football.by (27 жніўня 2015). Праверана 7 мая 2024.
  5. ↑ Евтич покинул БАТЭ (руск.). football.by (15 снежня 2015). Праверана 7 мая 2024.
  6. ↑ Бывший форвард БАТЭ Евтич перешел в китайский «Далянь» (руск.). by.tribuna.com.
  7. ↑ Экс-форвард БАТЭ подписал контракт с "Ягодиной" (руск.). football.by (6 лютага 2026). Праверана 7 мая 2024.
  8. ↑ Экс-нападающий БАТЭ завершил карьеру в 34 года (руск.). football.by (11 студзеня 2020). Праверана 7 мая 2024.
Узята з "https://be.wikipedia.org/w/index.php?title=Аляксандар_Еўціч&oldid=4723493"