Аляксандр Андрэевіч Дзмітрук

Аляксандр Андрэевіч Дзмітрук
Аляксандр Андрэевіч Дзмітрук
Дата нараджэння	3 ліпеня 1928
Месца нараджэння	Ушкавіца, Хідрынскі сельсавет, Кобрынскі раён, Брэсцкая вобласць, БССР, СССР;
Дата смерці	9 снежня 1996 (68 гадоў)
Род дзейнасці	палітолаг
Месца працы	Брэсцкі абласны камітэт ЛКСМБ[d]; Цэнтральны камітэт КПБ; Мінская вышэйшая школа МУС СССР; Інстытут гісторыі партыі пры ЦК КПБ;
Навуковая ступень	кандыдат філасофскіх навук (1975)
Навуковае званне	дацэнт;
Альма-матар	Львоўскі нацыянальны ўніверсітэт імя Івана Франко (1951); Акадэмія грамадскіх навук пры ЦК КПСС[d];
Узнагароды

Аляксандр Андрэевіч Дзмітрук (3 ліпеня 1928, в. Ушкавіца, Кобрынскі павет — 9 снежня 1996) — палітолаг, палкоўнік унутранай службы. кандыдат філасофскіх навук (1975), дацэнт (1976).

Біяграфія

Нарадзіўся 3 ліпеня 1928 года ў вёсцы Ушкавіца Кобрынскага павета (цяпер Кобрынскі раён).

У гады Вялікай Айчыннай вайны ўся сям’я Дзмітрукоў прымала актыўны ўдзел у партызанскім руху. У 1944 годзе Аляксандр быў адпраўлены праз лінію фронту на работу ў тыл Чырвонай арміі.

У 1951 годзе Аляксандр Дзмітрук закончыў юрыдычны факультэт Львоўскага дзяржаўнага ўніверсітэта. У 1951—1953 гадах ён працаваў інструктарам гаркама, сакратаром райкама камсамола ў Львове, з 1953 па 1958 год — у Брэсцкім абкаме ЛКСМБ, у 1961—1976 гадах — лектар, загадчык сектара аддзела прапаганды і агітацыі ЦК КПБ.

У 1961 годзе А. А. Дзмітрук закончыў Акадэмію грамадскіх навук пры ЦК КПСС. З 1976 па 1982 год Аляксандр Андрэевіч — начальнік кафедры, намеснік начальніка па навуковай рабоце Мінскай вышэйшай школы МУС СССР, у 1982—1991 гадах — старшы навуковы супрацоўнік Інстытута гісторыі партыі пры ЦК КПБ.

Аляксандр Андрэевіч апублікаваў больш за 30 навуковых прац.

Памёр 9 снежня 1996 года.

Узнагароды

Узнагароджаны медалямі, Ганаровымі граматамі Вярхоўнага Савета БССР.

Працы

Дмитрук, А. А Борьба марксистско-ленинских партий против правого и «левого» оппортунизма на современном этапе / отдел пропаганды и агитации ЦК КП Белоруссии ; А. А. Дмитрук. — Минск, 1970.
Дмитрук, А. А. Воспитание трудящихся в духе непримиримости к буржуазной идеологии / Александр Андреевич Дмитрук. — Минск: Беларусь, 1979. — 158 с.
Дмитрук, А. А. Идеологические оруженосцы империализма/ Александр Андреевич Дмитрук. — Минск, 1971.
Дмитрук, А. А. Плюрализм мнений, противоположность позиций: проблемы национальных отношений / Александр Андреевич Дмитрук. — Минск, 1990. — 24 с.
Дмитрук, А. А. Реальный социализм и его влияние на мировой революционный процесс : материал в помощь лектору / правление общества «Знание» БССР, научно-методический совет по пропаганде филос. и науч. Коммунизма ; А. А. Дмитрук. — Минск,1980.

Літаратура

Дзмітрук Аляксандр Андрэевіч // Памяць. Кобрынскі раён : гісторыка-дакументальная хроніка. — Мінск, 2002. — С. 433—434. — (Імі ганарацца землякі).
90 гадоў з дня нараджэння А. А. Дзмітрука (1928) // Зводны каляндар дат і падзей Кобрыншчыны : краязнаўча-бібліяграфічны каляндар на 2016—2020 гг. / Кобрынская раённая цэнтралізаваная бібліятэчная сістэма, цэнтральная раённая бібліятэка, аддзел абслугоўвання і інфармацыі; склад. : С. Д. Курачук, Л. С. Дардзюк. — Кобрын, 2018. — С. 66.
Дзмітрук Аляксандр Андрэевіч // Людзі навукі нашага краю : біябібліяграфічны даведнік з серыі «Імёны на карце Кобрыншчыны» / ДУК «Кобрынская раённая цэнтралізаваная бібліятэчная сістэма», цэнтральная раённая бібліятэка, аддзел абслугоўвання і інфармацыі; склад. : С. Д. Курачук, Л. С. Дардзюк. — Кобрын, 2017. — С. 39-40.

Спасылкі

Дзмітрук Аляксандр Андрэевіч. Біяграфічны нарыс