Анатоль Данілавіч Салянікаў

Анатоль Данілавіч Салянікаў
Анатоль Данілавіч Салянікаў
Дата нараджэння	19 ліпеня 1919
Месца нараджэння	Чурылава, Барздоўскі сельсавет, Аршанскі раён, Беларусь;
Дата смерці	8 верасня 2010 (91 год)
Месца смерці	Орша, Віцебская вобласць, Беларусь;
Грамадзянства	СССР;
Прыналежнасць	СССР
Род войскаў	авіяцыя
Гады службы	1941—1946
Званне	Маёр ВПС СССР
Бітвы/войны	Вялікая Айчынная вайна

Анатоль Данілавіч Саля́нікаў^[1] (19 ліпеня 1919, Чурылава, Аршанскі раён, Віцебская вобласць — 8 верасня 2010) — ваенны лётчык, Герой Савецкага Саюза (19.08.1944).

Біяграфія

У 1942 годзе скончыў Энгельскую ваенна-авіяцыйную школу пілотаў. У Чырвонай Арміі з 1941 года. З 1942 года на Бранскім, 2-м Прыбалтыйскім франтах: капітан, камандзір эскадрыллі штурмавікоў. Зрабіў 115 баявых вылетаў, знішчыў 10 танкаў, 2 бронемашыны, 120 аўтамашын, 18 гармат, 4 вагоны, склад, 6 мінамётаў, 44 павозкі з грузам, больш за 500 гітлераўцаў. Эскадрылля пад яго камандаваннем са студзеня па красавік 1944 года зрабіла 123 баявыя вылеты. Да 1947 года ў Савецкай Арміі, потым да 1981 года на адміністрацыйна-гаспадарчай рабоце.

Крыніцы

↑ БелЭн 2002.

Літаратура

Салянікаў Анатоль Данілавіч // Памяць : гісторыка-дакументальная хроніка Оршы і Аршанскага раёна : у 2 кн. / рэдкал.: Г. П. Пашкоў [і інш.]. — Мн., 1999. — Кн. 1. — С. 373.
Салянікаў Анатоль Данілавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 122. — 10 000 экз. — ISBN 985-11-0035-8. — ISBN 985-11-0238-5 (т. 14).

[FOOTNOTEБелЭн2002-1] БелЭн 2002.

[1]