Васіль Іванавіч Барысік

Васіль Іванавіч Барысік
Дата нараджэння	28 жніўня 1926(1926-08-28)
Месца нараджэння	Горнае, Калаціцкі сельсавет, Глускі раён, Бабруйская акруга, БССР, СССР
Дата смерці	27 верасня 2010(2010-09-27) (84 гады)
Месца смерці	Горнае, Калаціцкі сельсавет, Глускі раён, Магілёўская вобласць, Беларусь
Грамадзянства	СССР
Бітвы/войны	Вялікая Айчынная вайна
Узнагароды і прэміі	Заслужаны меліяратар БССР[d] (1965) Ганаровы грамадзянін Старых Дарог[d]

Васіль Іванавіч Барысік (28 жніўня 1926, в. Горнае, Глускі раён — 27 верасня 2010) — Герой Сацыялістычнай Працы (1966). Заслужаны меліяратар БССР (1965). Удзельнік Вялікай Айчыннай вайны.

Біяграфія

З 1944 па 1955 гады служыў у Савецкай Арміі. Пасля дэмабілізацыі вярнуўся на радзіму. Скончыў Мінскую школу дзясятнікаў-будаўнікоў і атрымаў спецыяльнасць машыніста экскаватара. З 1959 года і да выхаду на пенсію працаваў у Старадарожскай меліярацыйнай арганізацыі ПМК-73 рабочым, брыгадзірам, начальнікам участка, машыністам экскаватара на шматлікіх аб’ектах рэспублікі і за яе межамі.

З 1961 старшы машыніст экскаватара Старадарожскага будаўніча-мантажнага ўпраўлення меліярацыі трэста Мінскводбуд. За 7 гадоў працы ў трэсце выканаў 15 гадавых норм. 23 ліпеня 1965 года за шматгадовую добрасумленную працу ў сістэме меліярацыі прысвоена званне «Заслужаны меліяратар БССР».

З 1972 старшы прараб ПМК-73 свайго трэста. Званне Героя Сацыялістычнай Працы прысвоена за поспехі ў павелічэнні вытворчасці і нарыхтовак бульбы, гародніны і пладоў. Дэпутат Вярхоўнага Савета БССР у 1967—1971 гадах.

Узнагароды

Узнагароджаны ордэнам Леніна, ордэнам Працоўнага Чырвонага Сцяга, ордэнам «Знак Пашаны». У 1994 годзе прысвоена званне «Ганаровы грамадзянін г. Старыя Дарогі».

Занесены ў Кнігу Народнай Славы Старадарожскага раёна.