Вацлаў Таліх

Вацлаў Таліх
Vaclav Talich
Род дзейнасці	дырыжор, педагог, канцэртмайстар, музычны педагог, музыкант, скрыпач
Дата нараджэння	28 мая 1883(1883-05-28)[…]
Месца нараджэння	Кромержыж, Кромержыж, раён Кромержыж[d], Паўднёвамараўскі край, Чэхаславакія[…]
Дата смерці	16 сакавіка 1961(1961-03-16)[…] (77 гадоў)
Месца смерці	Бераўн[d], раён Бераўн[d], Сярэднячэшскі край, Чэхаславакія[…]
Месца пахавання	Městský hřbitov Beroun[d]
Грамадзянства	Чэхаславакія
Дзеці	Václav Talich[d]
Альма-матар	Пражская кансерваторыя
Член у	Czech Academy of Science and Art[d]
Узнагароды і прэміі	Народны артыст Чэхаславакіі[d] (27 мая 1957)
Медыяфайлы на Вікісховішчы

Ва́цлаў Та́ліх (чэшск.: Václav Talich; 28 мая 1883, Кромержыж — 16 сакавіка 1961, Бераўн) — чэшскі дырыжор і скрыпач, педагог.

Біяграфія

У 1897—1903 гадах вучыўся як скрыпач у Пражскай кансерваторыі ў Яна Маржака і Отакара Шэўчыка, затым нядоўга працаваў у Берлінскай філармоніі, але з-за праблем са здароўем пакінуў Берлін.

Сваю дзейнасць як дырыжор пачаў у 1904 годзе ў Адэсе, працуючы канцэртмайстарам у гарадскім оперным тэатры. У 1905—1907 гадах працаваў і выкладаў у Тбілісі, у 1908—1912 гадах узначальваў Славенскі філарманічны аркестр у Любляне, затым у 1912—1915 гадах працаваў у Пльзені. У 1919—1931, 1934—1941 гадах галоўны дырыжор Чэшскага філарманічнага аркестра. У 1931—1932 гадах працаваў у Швецыі.

У 1935 годзе быў прызначаны кіраўніком Нацыянальнага тэатра ў Празе. У 1945 годзе быў вымушаны пакінуць пост па прычыне зачынення тэатра немцамі падчас Другой сусветнай вайны. Пасля заканчэння вайны зноў заняў пост, але ў 1947 годзе быў звольнены. Паўторна займаў пост у 1948 годзе, але ў гэтым жа годзе быў звольнены. У 1946—1948 гг. узначальваў створаны ім са студэнтаў Пражскай кансерваторыі Чэшскі камерны аркестр. У 1949 годзе ўзначаліў створаны ім Славацкі філарманічны аркестр у Браціславе (да 1952 года).

У 1957 годзе атрымаў званне народнага артыста ЧССР.

Таліх займаўся выкладчыцкай дзейнасцю. Сярод яго вучняў Чарлз Макерас, Карэл Анчэрл і інш. Вядомы сваімі інтэрпрэтацыямі чэшскіх кампазітараў Антаніна Дворжака, Бедржыха Сметаны, Іозефа Сука. Шмат зрабіў для ўключэння опер Леаша Яначака ў рэпертуары тэатраў. Склаў сімфанічную сюіту з оперы Яначэка «Прыгоды ліскі-хітрухі».

Увекавечанне памяці

• У ранейшыя гады ў Празе праходзіў Конкурс імя Вацлава Таліха.

Літаратура

• «Талих Вацлав». БСЭ, 3-е издание.

Спасылкі

• Вацлаў Таліх на allmusic.com(недаступная спасылка) (англ.)
• Вацлаў Таліх Архівавана 24 верасня 2015. на Францішак Слама — Мемарыяльны сайт (англ.)