Георгій Маргвелашвілі

Георгій Маргвелашвілі
груз. გიორგი მარგველაშვილი
4-ы Прэзідэнт Грузіі 17 лістапада 2013 — 16 снежня 2018
Папярэднік	Міхаіл Саакашвілі
Пераемнік	Саламэ Зурабішвілі
Міністр адукацыі і навукі Грузіі 25 кастрычніка 2012 — 18 ліпеня 2013
Кіраўнік урада	Бідзіна Іванішвілі
Папярэднік	Хатыя Дэканаідзэ
Пераемнік	Тамар Санікідзэ
Нараджэнне	4 верасня 1969(1969-09-04) (54 гады) Тбілісі, Грузінская ССР, СССР
Жонка	Мака Чычуа[d]
Веравызнанне	праваслаўе
Партыя	беспартыйны Грузінская мара[d]
Адукацыя	Цэнтральна-Еўрапейскі ўніверсітэт Тбіліскі дзяржаўны ўніверсітэт Акадэмія навук Грузіі
Навуковая ступень	доктар філасофскіх навук
Дзейнасць	палітык, філосаф
Аўтограф
Сайт	president.gov.ge
Медыяфайлы на Вікісховішчы

Георгій Маргвелашвілі (груз. გიორგი მარგველაშვილი; нар. 4 верасня 1969 года, Тбілісі) — грузінскі палітычны дзеяч. Філосаф па адукацыі, рэктар Грузінскага інстытута грамадскіх спраў (2000—2006, 2010—2012), міністр адукацыі і навукі Грузіі (2012-2013). Кандыдат у прэзідэнты на выбарах 2013 ад партыі Грузінская мара - Дэмакратычная Грузія.

Біяграфія

Георгій Маргвелашвілі нарадзіўся 4 верасня 1969 года ў Тбілісі ў сям’і партыйнага работніка. У 1992 годзе скончыў факультэт філасофіі і псіхалогіі Тбіліскага дзяржаўнага ўніверсітэта імя Іванэ Джавахішвілі, у 1993—1994 гадах вывучаў сацыялогію ва Універсітэце Цэнтральнай Еўропы. Доктар філасофіі. З 1992 года па 1995 Маргвелашвілі працаваў гідам у турыстычнай кампаніі (спецыялізацыя — горны турызм), асістэнтам менеджэра ў выдавецтве. У 1994—1995 гадах быў начальнікам дэпартамента па маркетынгу кампаніі «Бізнес дзённікі». У 1996—1997 гадах выкладаў філасофію ў Тбіліскім незалежным універсітэце. У 1995—2000 гадах працаваў у Нацыянальным дэмакратычным інстытуце міжнародных адносін спецыялістам (кансультантам праграмы).

У 2000—2012 гадах працаваў у Інстытуце грамадскіх спраў Грузіі GIPA, у тым ліку на пасадзе рэктара ў 2000-2006 і 2010-2012 гадах. З 2006 года па 2010 год займаў пасаду начальніка дэпартамента даследаванняў GIPA. У кастрычніку 2012 года Маргвелашвілі заняў пасаду міністра адукацыі Грузіі ва ўрадзе Бідзіна Іванішвілі. 7 лютага 2013 года Георгій Маргвелашвілі быў прызначаны віцэ-прэм’ерам грузінскага ўрада.

11 мая 2013 года кіруючая кааліцыя «Грузінская мара» назвала Георгія Маргвелашвілі сваім кандыдатам у прэзідэнты Грузіі на выбарах 27 кастрычніка 2013 года. 16 ліпеня 2013 года Маргвелашвілі сышоў у адстаўку з пасады міністра адукацыі, каб выключыць абвінавачванні ў выкарыстанні адміністрацыйнага рэсурсу падчас перадвыбарнай кампаніі. Пры гэтым ён застаўся на пасадзе віцэ-прэм’ера Грузіі. 9 верасня 2013 года прайшоў афіцыйную рэгістрацыю ў якасці кандыдата на пасаду кіраўніка дзяржавы. Георгій Маргвелашвілі апублікаваў шэраг навуковых прац і вучэбных кіраўніцтваў, а таксама мноства артыкулаў па палітыцы, міжнародных адносінах, культуры, філасофіі. Падтрымліваючы курс урада М. Саакашвілі на збліжэнне з ЗША і Заходняй Еўропай, з’яўляўся паслядоўным прыхільнікам незалежнай культурнай палітыкі суверэннай Грузіі, захавання і развіцця грузінскай нацыянальнай мовы.

Асабістае жыццё

Дасканала валодае англійскай і рускай мовамі. Не жанаты, ёсць дачка.