Гран-Пры Малайзіі 2014 года

Малайскі
	Этап 2 з 19 2014
	;
Дэталі гонкі
Дата	30 сакавіка 2014 2014
Афіцыйная назва	2014 Formula 1 Petronas Malaysia Grand Prix
Месца	Міжнародны Аўтадром Сепанг; Сепанг, Селангор, Малайзія
Трэк	Пастаянная гоначная траса ; 5,543 км
Дыстанцыя	56 кругоў, 310,408 км
Надвор'е	Суха, 32°C
Поўл-пазіцыя
Час	1:59,431
Найхутчэйшы круг
Час	1:43,066 на крузе 53
Подыум

Гран-пры Малайзіі 2014 года (англ.: 2014 Formula 1 Petronas Malaysia Grand Prix) — гоначны этап Чэмпіяната Свету ў класе Формула-1, які адбыўся 30 сакавіка 2014 на аўтадроме Сепанг у Малайзіі. Гэта быў другі этап Чэмпіяната Свету сезона 2014 года. У гоначны ўік-энд цалкам дамініравалі пілоты каманды Mercedes. Льюіс Хэмілтан выйграў кваліфікацыю, гонку, таксама паказаў найлепшы круг у гонцы, нікому не саступіўшы лідарства за 56 кругоў. Ніка Розберг стаў другім. Для каманды Mercedes дубль на подыуме стаў першым з Гран-Пры Італіі 1955 года, калі першыя дзве пазіцыі атрымалі Хуан-Мануэль Фанхіа і П'ера Таруффі.

Справаздача

Кваліфікацыя

Кваліфікацыя пачалася з затрымкай амаль што ў гадзіну з-за моцнай залевы, што накрыла Сепанг. Старт сесіі пераносіўся 4 разы, пакуль дождж не супакоіўся і траса не стала прыгоднай для заездаў. Пагроза ўзмацнення дажджу вынудзіла пілотаў стартаваць усім разам, што ўскладніла кваліфікацыю. Першым найлепшы час у дажджавых умовах паказаў лідар чэмпіянату Ніка Розберг — да самага канца першай сесіі гэты вынік ніхто так і не пераўзышоў. Другі час паказаў на сваім Mercedes Льюіс Хэмілтан, трэцім стаў Себасцьян Фетэль. Дадзеныя вынікі абумовілі кола барацьбітаў за поўл-пазіцыю ў Малайзіі. Першая кваліфікацыйная сесія не здолела прадоўжыцца 18 хвілін. Шведскі пілот Caterham Маркус Эрыксан не здолеў правільна патрапіць у паварот і разбіў свой балід аб рэльс бяспекі, таксама патрапіў у рэкламны шчыт. Недабіткі, якія засталіся на трасе пасля аварыі Эрыксана, прымусілі сцюардаў спыніць сесію за 35 секунд да яе заканчэння і не працягваць яе далей. Зноў няўдала выступіў Пастор Мальданада, які не здолеў трапіць у другую сесію.

У другой кваліфікацыйнай сесіі інтэнсіўнасць дажджу знізілася, але траса па-ранейшаму заставалася мокрай. Некаторыя пілоты спрабавалі паказаць час на прамежкавай гуме, але безвынікова. Пачатак сесіі адзначыўся сутыкненнем Фернанда Алонса і Данііла Квята, у выніку чаго сесія была спынена на 6 хвілін, каб прыбраць з трасы недабіткі пярэдняга антыкрыла Toro Rosso Квята. Падвеска пярэдняга левага кола Алонса была пашкоджана, але тэхнікі Ferrari здолелі выпусціць іспанца на трасу. Другую сесію выйграў Льюіс Хэмілтан у барацьбе з Себасцьянам Фетэлем.

У трэцяй сесіі асноўная барацьба за поўл-пазіцыю ішла паміж пілотамі Mercedes і Себасцьянам Фетэлем. Пілоты McLaren эксперыментавалі з гумай, у выніку чаго Джэнсан Батан не здолеў уключыцца ў барацьбу за першыя пяць месцаў на старце. Хэмілтан зноў выйграў кваліфікацыю, як і ў Аўстраліі. Фетэль на гэты раз быў другім, Ніка Розберг і Фернанда Алонса занялі, адпаведна, трэцяе і чацвёртае месцы.

Пасля кваліфікацыі пілот Williams Вальтэры Ботас быў пакараны трыма пазіцыямі на старце за перашкоду Даніэлю Рык’ярда падчас другога сегмента.

Гонка

Яшчэ перад гонкай высветлілася, што Серхіа Перэс не прыме ўдзел у гонцы: яго Force India сутыкнулася з тэхнічнымі праблемамі на шляху да стартавай рашоткі. Таму ў гонцы ўдзельнічалі не 22, а 21 пілот.

Хэмілтан захапіў лідарства адразу пасля старта, у той час як Фетэль стартаваў няўдала — яго апярэдзілі Ніка Розберг і Даніэль Рык'ярда. На першым крузе адбылося сутыкненне Пастора Мальданада і Жуля Б’яншы. Камісары прызналі вінаватым у сутыкненні Б’яншы і пакаралі пяцісекундным штрафам stop & go. Нягледзячы на тое, што абодва пілоты здолелі працягнуць гонку, далей за восьмы круг ні Б’яншы, ні Мальданада не праехалі і сышлі па тэхнічных прычынах.

Кімі Райканен страціў некалькі пазіцый на старце, а на другім крузе сутыкнуўся з Кевінам Магнусэнам, у выніку чаго фінскі пілот атрымаў пракол задняга правага кола. Вымушаны піт-стоп адкінуў Райканена на апошняе месца. Магнусэна пакаралі пяцісекундным штрафам stop & go, а Райканен так і не здолеў вярнуцца ў ачковую зону да самога фініша гонкі. Толькі на апошніх кругах Райканен здолеў навязаць барацьбу Раману Гражану за адзінаццатае месца.

Себасцьян Фетэль вёў барацьбу спачатку з Даніэлем Рык’ярда за трэцяе месца, а потым з Ніка Розбергам за другое. Але, нягледзячы на ўсе спробы дагнаць Розберга, Фетэль не здолеў наблізіцца да пілота Mercedes менш чым на секунду. Рык’ярда, які саступіў у барацьбе за трэцяе месца Фетэлю, адбіваў атакі Фернанда Алонса. У выніку Рык’ярда стаў ахвярай дзеянняў сваёй каманды: на чарговым планавым піт-стопе яму дрэнна зафіксавалі пярэдняе левае кола і выпусцілі на піт-лэйн. Нягледзячы на тое, што механікі праблему своечасова заўважылі і ліквідавалі, камісары пакаралі Рык’ярда дзесяцісекундным штрафам stop & go. Але Рык’ярда не паспеў адбыць пакаранне, бо пашкодзіў пярэдняе антыкрыло на наступным крузе, а потым спыніў удзел у гонцы з-за тэхнічных праблем. Яго штраф быў перанесены на наступны Гран-Пры ў Бахрэйне, дзе ён будзе пакараны дзесяццю пазіцыямі на старце.

Апошнія кругі гонкі адзначаліся актывізацыяй Фернанда Алонса, які нагнаў Ніка Хюлькенберга і даехаў да чацвёртага месца. У другой палове дзясяткі пілоты Williams актывізавалі свой ціск на Джэнсана Батана. Вальтэры Ботас быў відавочна хутчэйшы за Феліпе Масу, і кіраўніцтва Williams загадала Масе прапусціць Ботаса, каб апошні змог працягнуць ціск на Батана. Але Маса не падпарадкаваўся загадам з боксаў і даехаў да фініша ўслед за Батанам і наперадзе Ботаса.

Хэмілтан выйграў гонку, не саступіўшы нікому лідарства. Ён таксама паказаў найхутчэйшы круг і такім чынам атрымаў так званы Вялікі Шлем. Сваю перамогу Хэмілтан прысвяціў пасажырам зніклага рэйса MH370 Малайскіх авіяліній. Розберг фінішаваў другім і замацаваў сваё лідарства ў Чэмпіянаце. Фетэль стаў трэцім і набраў першыя ачкі ў чэмпіянаце, як для сябе, так і для каманды Red Bull. Алонса, як і ў Аўстраліі, стаў чацвёртым. Хюлькенберг заняў высокае пятае месца. Топ 10 дапоўнілі Батан, Маса, Ботас, Магнусэн і Квят.

Класіфікацыя

Кваліфікацыя

Пазіцыя	Пілот	Канструктар	Q1	Q2	Q3	На старце
01	Льюіс Хэмілтан	Mercedes	1:57,202	1:59,041	1:59,431	01
02	Себасцьян Фетэль	Red Bull Racing-Renault	1:57,654	1:59,399	1:59,486	02
03	Ніка Розберг	Mercedes	1:57,183	1:59,445	2:00,050	03
04	Фернанда Алонса	Ferrari	1:58,889	2:01,356	2:00,175	04
05	Даніэль Рык'ярда	Red Bull-Renault	1:58,913	2:00,147	2:00,541	05
06	Кімі Райканен	Ferrari	1:59,257	2:01,532	2:01,218	06
07	Ніка Хюлькенберг	Force India-Mercedes	1:58,883	2:00,839	2:01,712	07
08	Кевін Магнусэн	McLaren-Mercedes	2:00,358	2:02,094	2:02,213	08
09	Жан-Эрык Вернь	Toro Rosso-Renault	2:01,689	2:02,096	2:03,078	09
10	Джэнсан Батан	McLaren-Mercedes	2:00,889	2:01,810	2:04,053	10
11	Данііл Квят	Toro Rosso-Renault	2:01,175	2:02,351	—	11
12	Эстэбан Гуцьерэс	Sauber-Ferrari	2:01,134	2:02,369	—	14
13	Феліпэ Маса	Williams-Mercedes	2:00,047	2:02,460	—	12
14	Серхіа Перэс	Force India-Mercedes	2:00,076	2:02,511	—	13
15	Вальтэры Ботас^{[# 1]}	Williams-Mercedes	1:59,709	2:02,756	—	17
16	Раман Гражан	Lotus F1-Renault	2:00,202	2:02,885	—	15
17	Пастор Мальданада	Lotus F1-Renault	2:02,074	—	—	16
18	Адрыян Зуціл	Sauber-Ferrari	2:02,131	—	—	18
19	Жуль Б'яншы	Marussia F1-Ferrari	2:02,702	—	—	19
20	Камуі Кабаясі	Caterham F1-Renault	2:03,595	—	—	20
21	Макс Чылтан	Marussia F1-Ferrari	2:04,388	—	—	21
22	Маркус Эрыксан	Caterham F1-Renault	2:04,407	—	—	22
Час 107 %: 2:05,385 хв. (ад найлепшага выніка К1 1:57,183 хв.)
Крыніца: F1.com^[1]

Заўвагі

↑ Вальтэры Ботас быў пакараны трыма пазіцыямі на старце за перашкоду Даніэлю Рык’ярда падчас другога сегмента.

Гонка

Паз.	Пілот	Канструктар	Кругі	Піт-стопы	Час	Старт	Найхутчэйшы круг
01	Льюіс Хэмілтан	Mercedes	56		1:40:25,974	01	1:43,066 (53)
02	Ніка Розберг	Mercedes	56		+ 17,313	03	1:43,960 (55)
03	Себасцьян Фетэль	Red Bull Racing-Renault	56		+ 24,534	02	1:44,289 (51)
04	Фернанда Алонса	Ferrari	56		+ 35,992	04	1:44,165 (47)
05	Ніка Хюлькенберг	Force India-Mercedes	56		+ 47,199	07	1:45,982 (38)
06	Джэнсан Батан	McLaren-Mercedes	56		+ 1:23,691	10	1:46,039 (47)
07	Феліпэ Маса	Williams-Mercedes	56		+ 1:25,076	13	1:44,897 (44)
08	Вальтэры Ботас	Williams-Mercedes	56		+ 1:25,537	18	1:45,475 (31)
09	Кевін Магнусэн	McLaren-Mercedes	55		+ 1 Круг	08	1:45,373 (44)
10	Данііл Квят	Toro Rosso-Renault	55		+ 1 Круг	11	1:46,695 (36)
11	Раман Гражан	Lotus F1-Renault	55		+ 1 Круг	15	1:46,224 (42)
12	Кімі Райканен	Ferrari	55		+ 1 Круг	06	1:45,129 (36)
13	Камуі Кабаясі	Caterham F1-Renault	55		+ 1 Круг	20	1:47,753 (53)
14	Маркус Эрыксан	Caterham F1-Renault	54		+ 2 Круга	22	1:47,500 (40)
15	Макс Чылтан	Marussia F1-Ferrari	54		+ 2 Круга	21	1:48,249 (49)
-	Даніэль Рык'ярда	Red Bull-Renault	49		DNF	05	1:44,675 (48)
-	Эстэбан Гуцьерэс	Sauber-Ferrari	35		DNF	12	1:47,782 (27)
-	Адрыян Зуціл	Sauber-Ferrari	32		DNF	17	1:48,040 (27)
-	Жан-Эрык Вернь	Toro Rosso-Renault	18		DNF	09	1:48,527 (04)
-	Жуль Б'яншы	Marussia F1-Ferrari	08		DNF	19	1:51,473 (04)
-	Пастор Мальданада	Lotus F1-Renault	07		DNF	16	1:50,929 (06)
-	Серхіа Перэс¹	Force India-Mercedes	-	-	DNS	14
Крыніца: F1.com^[2]

Заўвагі:

↑ Серхіа Перэс не здолеў стартаваць з-за тэхнічных праблем перад стартам гонкі

Пазіцыі пасля гонкі

Пазіцыі пілотаў у чэмпіянаце

	Паз.	Пілот	Ачкі
	1	Ніка Розберг	43
17	2	Льюіс Хэмілтан	25
1	3	Фернанда Алонса	24
1	4	Джэнсан Батан	23
3	5	Кевін Магнусэн	20

Пазіцыі канструктараў у чэмпіянаце

	Паз.	Канструктар	Ачкі
1	1	Mercedes	68
1	2	McLaren-Mercedes	43
	3	Ferrari	30
	4	Williams-Mercedes	20
	5	Force India-MMercedes	19

Зноскі

↑ Афіцыйныя вынікі кваліфікацыі (нявызн.). Праверана 30 Сакавіка 2014. (англ.)
↑ Афіцыйныя вынікі гонкі (нявызн.). Праверана 5 красавіка 2014. (англ.)

Спасылкі

sepangcircuit.com — афіцыйны сайт Гран-Пры Малайзіі

[1] Вальтэры Ботас быў пакараны трыма пазіцыямі на старце за перашкоду Даніэлю Рык’ярда падчас другога сегмента.

[2] Афіцыйныя вынікі кваліфікацыі (нявызн.). Праверана 30 Сакавіка 2014. (англ.)

[3] Афіцыйныя вынікі гонкі (нявызн.). Праверана 5 красавіка 2014. (англ.)

[# 1]

[1]

[2]