Себасцьян Фетэль

З пляцоўкі Вікіпедыя
Перайсці да: рух, знайсці
Себасцьян Фетэль

Себа́сцьян Фе́тэль (ням.: Sebastian Vettel [zeˈbasti̯an ˈfɛtəl]; нар. 3 ліпеня 1987) — чатырохразовы чэмпіён свету серыі Формула-1 — 2010, 2011, 2012 і 2013 гадоў, пры гэтым станавіўся самым маладым уладальнікам адпаведнай колькасці тытулаў (у 2010 — самы малады чэмпіён, у 2011 — самы малады двухразовы, у 2012 — самы малады трохразовы, у 2013 — самы малады чатырохразовы). Таксама зрабіў мноства дасягненняў у катэгорыі «самы малады» — ён з'яўляецца самым маладым віцэ-чэмпіёнам свету (2009), уладальнікам поўл-пазіцыі (Гран-пры Італіі 2008), пераможцам Гран-пры ў гісторыі Формулы-1 (перамога ў Монцы ў 2008 году), а таксама з'яўляўся самым маладым удзельнікам чэмпіянату, які набраў пункты (Гран-пры ЗША 2007 года) да сезону 2014 года, калі гэты рэкорд быў пабіты расійскім гоншчыкам Даніілам Квятам. У 2010 годзе прызнаны лепшым спартсменам года ў Германіі[1].

Кар'еру ў Формуле-1 пачаў тэставым пілотам у камандзе BMW з Гран-пры Турцыі 2006 года. Дэбют на трасе адбыўся на Гран-пры ЗША 2007 года, дзе Фетэль замяняў траўміраванага Роберта Кубіцу. Пачынаючы з гран-пры Венгрыі ў сезоне 2007 і да канца 2008 года выступаў за каманду Toro Rosso. З 2009 па 2014 год выступаў за каманду «Рэд Бул», затым падпісаў трохгадовую дамову з камандай «Ферары». Да пераходу ў Формулу-1 узначальваў залік пілотаў у сусветнай серыі Renault.

Асабістае жыццё[правіць | правіць зыходнік]

Себасцьян нарадзіўся 3 ліпеня 1987 года ў горадзе Хепенхайм, Германія. Ён быў трэцім дзіцем у сям'і, яго старэйшых сясцёр клічуць Мелані і Стэфані, а малодшага брата Фабіян. Паводле яго інтэрв'ю, ён жудасна вучыўся ў школе, а яго кумірамі дзяцінства былі «тры Майклы»: Шумахер, Джэксан і Джордан. Фетэль жадаў стаць спеваком, але хутка ўсвядоміў, што ў яго няма голасу, і пакінуў гэту мару[2]. Цяпер жыве ў Швейцарыі сярод іншых гоншчыкаў і з'яўляецца прыхільнікам нямецкай футбольнай каманды «Айнтрахт»[3].

Дзве дочкі: Эмілі (нар. 12.01.2014) і другая дачка Мацільда (нар. у верасні 2015) ад сяброўкі Ханны

Зноскі

  1. Vettel und Riesch sind Sportler des Jahres // www.sueddeutsche.de. — 19 снежня 2010
  2. Тое, чаго мы не ведалі пра Себасцьяна Фетэля // www.f1news.ru. — 17 сакавіка 2010
  3. Себасцьян Фетэль адказаў на пытанні дзяцей // www.f1news.ru. — 21 ліпеня 2013