Дзяніс Урад
| Дзяніс Урад | |
|---|---|
| Дата нараджэння | 23 чэрвеня 1991 (33 гады) |
| Месца нараджэння | |
| Прыналежнасць |
 Беларусь |
| Род войскаў | Войскі сувязі |
| Званне |
 |
| Часць | Генеральны штаб Узброеных Сіл Рэспублікі Беларусь |
Дзяніс Урад (23 чэрвеня 1991) — афіцэр Генеральнага штабу Узброеных Сіл Рэспублікі Беларусь, палітычны зняволены.
Біяграфія
[правіць | правіць зыходнік]Нарадзіўся ў Расонах. У 2014 годзе скончыў факультэт сувязі і аўтаматызаваных сістэм кіравання Ваеннай акадэміі Рэспублікі Беларусь[1].
Паводле стану на 2021 год год меў чын капітана, служыў сувязістам у Генеральным штабе Узброеных сіл Рэспублікі Беларусь[1].
Арыштаваны 15 сакавіка 2021 года пасля таго як 14 сакавіка, паводле інфармацыі СМІ, сфатаграфаваў і адправіў тэлеграм-каналу «Нехта» сакрэтны ліст ад міністра ўнутраных спраў Івана Кубракова міністру абароны Віктару Хрэніну, у якім Кубракоў незаконна прасіў напярэдадні Дня Волі прыцягнуць 3725 вайскоўцаў для аховы аб’ектаў у Мінску. Удзел вайскоўцаў у ахове аб’ектаў дазволіў бы сканцэнтраваць сілы МУС на супрацьстаянні пратэстам[2]. Утрымліваўся ў СІЗА КДБ («Амерыканцы»).
29 красавіка прызнаны палітычным зняволеным з боку беларускіх праваабаронцаў[3].
31 сакавіка 2021 года кадры з допыту Урада былі паказаныя ў прапагандысцкім фільме «Манкурты» на падкантрольным рэжыму Лукашэнкі тэлеканале «АНТ»[4].
14 мая 2021 года пакараны 18 гадамі зняволення паводле ч. 2 арт. 356 КК («Здрада дзяржаве, учыненая асобай, на якую распаўсюджваецца статус вайскоўца»). Вырак вынес суддзя Аляксандр Лупіновіч пасля разгляду справы ў закрытым рэжыме[5].
30 чэрвеня 2021 года шэфства над палітычным зняволеным узяў Енс Гаер, дэпутат Еўрапейскага парламента[6][7].
Сям’я
[правіць | правіць зыходнік]Жонка — Ірына Урад, мае сына.
Зноскі
- ↑ а б ДЗЯНІС УРАД капітан Генштаба Узброеных Сіл — Праваабарончы цэнтр «Вясна»
- ↑ «Не вытрымаў ад таго, што адбываецца ў краіне». Справа капітана Генштабу стала рэкорднай паводле хуткасці прысуду — Белсат, 18.05.2021
- ↑ Капітан Генштаба Дзяніс Урад прызнаны палітвязнем — Белсат, 29.04.2021
- ↑ ОНТ подтвердило подлинность письма Кубракова Хренину: задержан капитан Генштаба [АНТ пацвердзіла сапраўднасць ліста Кубракова Хрэніну: затрыманы капітан Генштаба] — Reform.by, 31.03.2021 (руск.)
- ↑ Палітвязень Дзяніс Урад пакараны 18 гадамі пазбаўлення волі — Белсат, 14.05.2021
- ↑ Irish and German MPs adopt three political prisoners from Belarus (англ.). Libereco – Partnership for Human Rights (30 чэрвеня 2021). Архівавана з першакрыніцы 5 ліпеня 2021. Праверана 5 ліпеня 2021.
- ↑ У Леаніда Судаленкі, Дзяніса Івашына, Дзяніса Урада і яшчэ 6 палітвязняў з'явіліся "хросныя". Праваабарончы цэнтр «Вясна» (30 чэрвеня 2021). Архівавана з першакрыніцы 10 ліпеня 2021. Праверана 10 верасня 2021.