Камп’ютарная мыш
Мыш (англ.: mouse) — указальная прылада ўводу, якая ўжываецца падчас працы з графічным інтэрфейсам камп’ютара. Вынайдзена Дугласам Энгельбартам у 1963 годзе. Мыш робіць магчымым кіраванне курсорам на экране камп’ютара праз яе перамяшчэнне па плоскай паверхні. Мыш вылічае змены свайго палажэння на паверхні, і пасля яго змянення на лічбавы выгляд камп’ютар адпаведна змяняе палажэнне курсора на экране.
Гісторыя
[правіць | правіць зыходнік]9 снежня 1968 года камп’ютарная мыш была прэзентавана на паказе інтэрактыўных прылад у Каліфорніі.[1]
Першым камп’ютарам, у склад якога ўключалася мыш, быў мінікамп’ютар Xerox 8010 Star Information System, прэзентаваны ў 1981 годзе. Мыш фірмы Xerox мела тры кнопкі і каштавала 400 долараў ЗША, што адпавядае прыкладна $930 у коштах 2009 года з улікам інфляцыі [2]. У 1983 годзе фірма Apple выпусціла сваю асабістую аднакнопкавую мыш для камп’ютара Lisa, кошт якой атрымалася паменшыць да $25. Шырокую вядомасць мыш набыла дзякуючы ўжыванню ў камп’ютарах Apple Macintosh і пазней у АС Windows для IBM PC сумяшчальных камп’ютараў.
Механічная мыш
[правіць | правіць зыходнік]
Найстарым тыпам мышы з’яўляецца «механічная мыш», у гэтым прыстасаванні выкарыстоўваецца металічны шарык, пакрыты гумай, і сістэма валікаў. Шарык пад уздзеяннем перамяшчэння па паверхні, па якой яе перамяшчае карыстальнік, круціцца. Ён выклікае абарачэнне дзвюх перпендыкулярна размешчаных валікаў, якое перадае камп’ютару вектар перамяшчэння. З-за таго, што рух шарыка мышы патрабуе роўную паверхню з адпаведным пакрыццём, пад мыш кладуць спецыяльны дыванок. Пад час ужывання мышы бруд з дыванка пераносіцца на шарык і валікі. Гэта выклікае праблемы ў працы мышы і патрабуе чысткі як мышы так і дыванка праз некаторы час.
Аптычная мыш
[правіць | правіць зыходнік]
Сучасным вынаходніцтвам з’яўляецца аптычная мыш. У аснове такой мышы ўсталявана адзін ці больш электралюменісцэнтных дыёдаў, якія асвятляюць паверхню пад мышшу, і сістэма аптычных сэнсараў, можа ўключаць і лічбавы сігнальны працэсар, які служыць для аналізу змен палажэння на паверхні. Найновым рашэннем можа быць усталяванне лазара замест дыёда, што яшчэ больш палепшыць працу мышы. Дзякуючы апошнім вынаходніцтвам, знікла механіка, схільная да забруджання, і сучасныя мышы функцыянуюць практычна на любой паверхні, не патрабуючы падкладкі.
Клавішы
[правіць | правіць зыходнік]Класічная мыш мае дзве клавішы, аднак, у апошні час іх колькасць паступова павялічваецца, з’явілася колца. Пры наяўнасці колца пракруткі, націск на яго азначае націск на сярэднюю клавішу.
Вытворцы камп’ютарных мышэй
[правіць | правіць зыходнік]Гл. таксама
[правіць | правіць зыходнік]Зноскі
- ↑ Times: завтра исполняется 40 лет компьютерной мыши Газета. Ru, 08.12.2008
- ↑ The Inflation Calculator
Спасылкі
[правіць | правіць зыходнік]
На Вікісховішчы ёсць медыяфайлы па тэме Камп’ютарная мыш
Слоўнікі і энцыклапедыі | |
|---|---|
| Нарматыўны кантроль |
