Кшыштаф Краўзэ

Кшыштаф Краўзэ
польск.: Krzysztof Krauze
Дата нараджэння	2 красавіка 1953(1953-04-02)[…]
Месца нараджэння	Варшава, Варшаўскае ваяводства, Польская Народная Рэспубліка
Дата смерці	24 снежня 2014(2014-12-24)[…] (61 год)
Месца смерці	Варшава, Мазавецкае ваяводства, Польшча
Грамадзянства	Польшча
Жонка	Ewa Sałacka[d] і Joanna Kos-Krauze[d]
Адукацыя	Кінашкола ў Лодзі[d]
Прафесія	кінарэжысёр, сцэнарыст, акцёр, аператар-пастаноўшчык
Узнагароды	Пашпарт «Палітыкі»[d]
IMDb	ID 0470377
Медыяфайлы на Вікісховішчы

Кшыштаф Краўзэ (польск.: Krzysztof Krauze; 22 красавіка 1953, Варшава — 24 снежня 2014, Варшава) — польскі кінарэжысёр, сцэнарыст, аператар, акцёр. Двухразовы лаўрэат «Залатых львоў» на нацыянальным Фестывалі польскага мастацкага кіно ў Гдыні за фільмы «Доўг» (1999) і «Плошча Збавіцеля» (2006).

Біяграфія

Кшыштаф Краўзэ нарадзіўся ў 1953 годзе. Яго маці — актрыса Крысціна Каркоўска. Скончыў аператарскі факультэт кінашколы ў Лодзі ў 1976 годзе. У 1978—1983 гадах супрацоўнічаў са студыяй кароткаметражных фільмаў «Se-ma-for», пазней — з кінастудыяй імя Караля Іржыкоўскага. У пачатку 1980-х гадоў выехаў з краіны — спачатку ў Аўстрыю, пазней у Францыю, але досыць хутка вярнуўся на радзіму. У 1988 годзе зняў свой першы поўнаметражны фільм «Нью-Ёрк, чатыры раніцы», вытрыманы ў жанры чэшскай камедыі. Крытыкі палічылі фільм правальным, але журы кінафестывалю ў Гдыні прысудзіла Краўзэ прыз за найлепшы дэбют.

Шмат хто глядзеў «Нью-Ёрк, чатыры раніцы», я атрымаў за яго ўзнагароду ў Гдыні. Але для мяне фільм быў катастрофай. Людзі, чыім меркаваннем я даражу, засталіся вельмі стрыманымі. <…> я веру, што ўсё ў жыцці адбываецца не выпадкова. Я пачаў разумець, што фільм атрымаўся такім, якім я гэтага хацеў. У ім быў дотык ісціны — а гэта адзіны шлях.

Магчымасці выпусціць наступную поўнаметражную карціну Краўзэ чакаў восем гадоў, здымаючы ў гэты час рэкламныя і дакументальныя фільмы. Поўнаметражная стужка «Вулічныя гульні» (1996) прынесла адразу некалькі нацыянальных кінаўзнагарод. У 1997 годзе па версіі польскага часопіса «Życie» Кшыштаф Краўзэ быў прызнаны «Чалавекам года». Верагодна, найбольшага творчага поспеху Краўзэ дамогся ў 1999 годзе, выпусціўшы трылер «Доўг».

У 2001 годзе Кшыштаф Краўзэ стаў сябрам Еўрапейскай кінаакадэміі, у 2007 годзе — сябрам Савета Асацыяцыі польскіх кінематаграфістаў. У 2008 годзе абраны старшынёй Польскага інстытута кінематаграфіі.

Выбраная фільмаграфія

• 1999 — «Доўг»
• 2006 — «Плошча Збавіцеля»