Леафвін Годвінсан

Леафвін Годвінсан
англ.: Leofwine Godwinson
Эрл Кента 1057 — 14 кастрычніка 1066
Папярэднік	Годвін Уэсэкскі
Пераемнік	пасада скасавана
Нараджэнне	каля 1035
Смерць	14 кастрычніка 1066 Гастынгс[d], Гастынгс[d], Усходні Сусекс[d], Усходні Сусекс[d], Вялікабрытанія
Род	Дом Годвіна
Бацька	Годвін Уэсэкскі[d]
Маці	Гіта Торкельдоцір[d]

Леафвін Годвінсан (англ.: Leofwine; каля 1035 — 14 кастрычніка 1066) — англасаксонскі арыстакрат, эрл Кента (з 1057 года), прадстаўнік дому Годвіна і малодшы брат караля Гаральда II, актыўны ўдзельнік абароны Англіі ад нармандскіх заваёўнікаў.

Біяграфія

Смерць Леафвіна і Гірта Годвінсанаў. Фрагмент габелена з Баё

Леафвін быў пятым сынам Годвіна, эрла Уэсэкса, найбуйнейшага і самага ўплывовага магната Англіі першай паловы кіравання караля Эдуарда Спаведніка. Калі ў 1051 г. кароль дамогся выгнання Годвіна і яго сям’і, Леафвін адправіўся разам са сваім старэйшым братам Гаральдам у Ірландыю. Там яны набралі флатылію караблёў і, злучыўшыся з ваеннымі сіламі бацькі, у 1052 г. высадзіліся ў Англіі і прымусілі караля Эдуарда пагадзіцца на вяртанне ўладанняў і ўплыву сям’і Годвіна.

Пасля смерці эрла Годвіна ў 1053 г. яго ўладанні атрымаў у спадчыну старэйшы сын Гаральд. Леафвін каля 1057 г. атрымаў тытул эрла з уладай над наступнымі графствамі: Кент, Эсэкс, Мідлсекс, Гертфардшыр, Сурэй і, магчыма, Бакінгемшыр. Леафвін і іншыя сыны Годвіна разам кантралявалі большую частку англасаксонскага каралеўства. Уплыў Годвінсанаў яшчэ больш узмацнілася пасля абрання напачатку 1066 г. Гаральда каралём Англіі.

Леафвін разам са сваёй дружынай удзельнічаў у абароне краіны ў перыяд нарвежскага і нармандскага ўварванняў 1066 г. і загінуў у бітве пры Гастынгсе.

Літаратура

• Англасаксонскі перыяд
• Stenton, F. Anglo-Saxon England. Oxford, 1973.

Папярэднік  Годвін

эрл Кента  1057 — 1066

Пераемнік Ліквідавана