Лонданскі басейн

Лонданскі басейн (англ.: London Basin) — раўніна на паўднёвым усходзе Вялікабрытаніі, па ніжнім цячэнні р. Тэмза.

Вышыня да 100 м. З’яўляецца сінклінальным паніжэннем паміж мелавымі ўзгоркамі Чылтэрн-Хілс (да 261 м) на поўнач і хр. Норт-Даўнс (296 м) на поўдні; запоўнена трацічнымі глінамі, пяскамі, гравіем.

Клімат умераны, марскі. Сярэдняя тэмпература студзеня +4 °C, ліпеня +18 °C, ападкаў больш за 600 мм за год. Глебы бурыя лясныя. Захаваліся рэшткі дубовых лясоў, на пясках — хвоя і верасоўнікі.

Культурныя ландшафты (палі, агароды, паркі); высокая шчыльнасць насельніцтва. Тут размяшчаецца горад Лондан.

Літаратура

Лонданскі басейн // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).