Магілы
![](http://upload.wikimedia.org/wikipedia/commons/thumb/9/9a/Alex_K_Petro_Mohyla.svg/220px-Alex_K_Petro_Mohyla.svg.png)
![](http://upload.wikimedia.org/wikipedia/commons/thumb/b/b0/Petro_Mohyla-_big.jpg/220px-Petro_Mohyla-_big.jpg)
Магілы (Мавілы, малд.: Мовилешть, Movileşti, рум.: Movileşti, польск.: Mohyłowie) — малдаўскі баярскі род.
Родапачынальнікам паводле легенды быў Муцый Сцэвала. Паводле іншае легенды, Пурычэ, герольд ваяводы малдаўскага Стэфана III Вялікага, дапамог таму ў бітве ўзлезьці на свежага каня, за што замест прозвішча Purice («блыха») атрымаў прозвішча Movilă («холм»).
Першая гістарычная звестка пра род адносіцца да 1499. З цягам часу прадстаўнікі роду зрадніліся з княжацкай дынастыяй Мушацінаў. Каля 1534, падчас малдаўска-валашскіх смутаў, у ліку трох прэтэндэнтаў на валашскі пасад быў Майсей Магіла. У сярэдзіне XVI стагоддзя Іон Магіла займаў вышэйшую ў Малдаўскім княстве пасаду — лагафета, ён жа ажаніўся з дачкой малдаўскага ваяводы Пятра Рарэша — Марыяй. Яго сын Ерамей — гаспадар малдаўскі (1595—1606); другі сын, Георгій — мітрапаліт Малдаўскі; трэці, Сымон — гаспадар валашскі, бацька знакамітага мітрапаліта Пятра Магілы.
У 16—17 стстагоддзях прадстаўнікі роду пачалі ўцякаць ад турэцкага пераследу ў Польшчу. Неўзабаве яны зрадніліся з мясцовымі родамі, у тым ліку з Патоцкімі, Вішнявецкімі, Карэцкімі. Гэтак дачка Ераміі, Раіна, абаронца праваслаўя і заснавальніца манастыроў, была бабуляй караля польскага і вялікага князя літоўскага Міхала Тамаша Карыбут-Вішнявецкага. У Польшчы яны таксама былі набілітаваны гербам Магіла. Ад 1634 Магілы больш не абвяшчалі пра свай прэтэнзіі на Малдаўскае княства.
Найбольш вядомыя
[правіць | правіць зыходнік]- Ерамей Магіла, гаспадар малдаўскі 1595—1600 і 1600—1606
- Сымон Магіла, гаспадар валашскі 1600—1602 і малдаўскі 1606—1607
- Канстанцін I Магіла, малдаўскі гаспадар 1606 і 1607—1611
- Міхал II Магіла, малдаўскі гаспадар 1607
- Аляксандр VI Магіла, малдаўскі гаспадар 1615—1616
- Гаўрыл Магіла, валашскі гаспадар 1616 і 1618—1620
- Майсей Магіла, гаспадар малдаўскі 1630—1631 і 1633—1634
- Пётр Магіла, кіеўскі праваслаўны мітрапаліт 1633—1646
- Грыгорэ Урэке (1590—1647), малдаўскі гісторык
Радавод
[правіць | правіць зыходнік]Іон Магіла, ж. — Марыя (?—1614 ці 1616, Стамбул), д. Пятра Рарэша
- Ерамей Магіла(?—1606), ж. — Эльжбета Чамартан-Лазінская
- Ганна Магілянка (?—1658 ці 1661), м. — Станіслаў Рэвера Патоцкі (1579—1667)
- Марыя Амалія Магілянка (?—10 снежня 1638, Варшава), м. — 1606 Стафан Патоцкі (1568—1631)
- Раіна Магілянка (?—каля 1619), м. — Міхал Вішнявецкі (?-1616)
- Канстанцін I Магіла (?—1612)
- Аляксандр VI Магіла
- Георгій Магіла
- Сымон Магіла (?—14 верасня 1607), ж. — Маргіта, д. Габрыля Херы
- Міхал II Магіла
- Гаўрыл Магіла
- святы Пётр Магіла (1596—1646)
- Майсей Магіла (1596—1661)
Літаратура
[правіць | правіць зыходнік]- Киевская старина, 1887, кн. 11.
- I. Czamańska, Mohyłowie [w:] Słownik dynastii Europy, red. J. Dobosz, M. Seweryński, Poznań 1999, s. 270—272.
- J. Demel, Historia Rumunii, Wrocław 1970.
Спасылкі
[правіць | правіць зыходнік]На Вікісховішчы ёсць медыяфайлы па тэме Магілы