Март Порт

Март Порт
эст.: Mart Port
Род дзейнасці	архітэктар, выкладчык універсітэта
Дата нараджэння	4 студзеня 1922(1922-01-04)
Месца нараджэння	Пярну, Эстонія
Дата смерці	3 лютага 2012(2012-02-03) (90 гадоў)
Месца смерці	Талін, Талін, Хар’юмаа, Эстонія
Месца пахавання	Лясныя могілкі
Грамадзянства	Эстонія
Месца працы	Эстонская акадэмія мастацтваў
Альма-матар	Талінскі тэхнічны ўніверсітэт
Бітвы/войны	Вялікая Айчынная вайна
Узнагароды і прэміі
Медыяфайлы на Вікісховішчы

Март Порт (эст.: Mart Port; 4 студзеня 1922, Пярну — 3 лютага 2012) — эстонскі архітэктар, педагог. Лаўрэат Дзяржаўнай прэміі Эстонскай ССР (1972) і Дзяржаўнай прэміі СССР (1986).

Біяграфія

Нарадзіўся ў сям’і эстонскага батаніка Яана Порта (1891—1950). У 1940 годзе паступіў у Талінскі політэхнічны інстытут. У час вайны быў мабілізаваны, ваяваў у Чырвонай Арміі. Быў узнагароджаны медалём «За баявыя заслугі». Пасля вайны працягнуў навучанне, скончыў інстытут у 1950 годзе.

Да 1990 года працаваў у дзяржаўным праектным інстытуце «Ээсты Праект», з 1961 па 1989 год займаў пасаду галоўнага архітэктара. З 1961 па 1992 год быў выкладчыкам Эстонскай акадэміі мастацтваў, у 1977 годзе атрымаў званне прафесара.

З 1955 па 1979 год быў старшынёй Саюза архітэктараў Эстонскай ССР (эст. Eesti NSV Arhitektide Liit).

Памёр 3 лютага 2012 года ў Таліне. Пахаваны на талінскіх Лясных могілках.