Монс

Монс
Герб[d]	Сцяг[d]
Краіна	Бельгія
Рэгіён	Валонія
Правінцыя	Эно
Каардынаты	50°27′17″ пн. ш. 3°57′07″ у. д.HGЯO
Мэр	Эліё дзі Рупо
Горад з	VII стагоддзе
Плошча	146,56 км²
Вышыня НУМ	2 м
Насельніцтва	91 200 чалавек (2006)
Часавы пояс	UTC+1, летам UTC+2
Тэлефонны код	+32 65
Паштовы індэкс	7000-7034
Афіцыйны сайт	mons.be
	Медыяфайлы на Вікісховішчы

Монс (фр.: і лац.: Mons, нідэрл.: Bergen, пікард.: Mon(t)) — горад у Бельгіі, за 50 км на паўднёвы захад ад Бруселя, адміністрацыйны цэнтр правінцыі Эно. Размешчаны на канале Самбра — Шэльда. Гістарычна вядомы як сталіца графства Эно. Насельніцтва — 99,2 тыс. жыхароў (2006).

Гісторыя

Назву горад атрымаў па лагеры, які быў наладжаны тут Юліем Цэзарам, а лагер, у сваю чаргу, — па ўзгорку (лац.: Montes — «гара»), на якіх раскінуўся сучасны Монс. Паселішча на месцы цяперашняга Монса існавала яшчэ ў эпоху неаліту. Горад быў заснаваны ў VII стагоддзі.

Эканоміка

Прадпрыемствы коксахімічнай, шкло-керамічнай, цэментавай, харчовай, лёгкай (вытворчасць палатна, ваўняных і баваўняных тканін, пляценне карунак) прамысловасці; металаапрацоўка. Монс — чыгуначны вузел. Гістарычна — цэнтр каменнавугальнага басейна.

Славутасці

У горадзе — універсітэт, музей прыгожых мастацтваў. У Монсе шмат архітэктурных помнікаў XI—XVIII стагоддзяў:

гатычная ратуша XV стагоддзя;
гатычны сабор Святой Вальдэтруды, які быў пабудаваны ў 1450—1686 гадах і замяніў стары раманскі (у скарбніцы сабора — залатыя вырабы, кнігі, карціны, тканіны і скульптуры VII—XIX стагоддзяў);
81-метровая бефруа, збудаваная ў 1661 годзе (з’яўляецца адзінай барочнай званіцай Бельгіі, нароўні з іншымі бефруа ўключана ў Спіс Сусветнай Спадчыны ЮНЕСКА).

Спасылкі

На Вікісховішчы ёсць медыяфайлы па тэме Монс
Афіцыйны сайт горада (фр.)
Cercle Archeologique de Mons Архівавана 1 верасня 2006. (фр.) — спіс крыніц па гісторыі Монса
Афіцыйны сайт сабора Св. Вальдэтруды (фр.) (маецца віртуальная экскурсія)