Міхайлоўская набярэжная
| Міхайлоўская набярэжная Новасібірск | |
|---|---|
 | |
| Агульная інфармацыя | |
| Краіна | |
| Горад | |
Міхайлоўская набярэжная (руск.: Михайло́вская набережная) — набярэжная, размешчаная ўздоўж узбярэжжа Обі ў Кастрычніцкім раёне Новасібірска.
Гісторыя
[правіць | правіць зыходнік]У 1907 годзе ў будынку Кабінета Яго Імператарскай Вялікасці, размешчаным на тэрыторыі сучаснай Міхайлоўскай набярэжнай, быў падпісаны акт аб перадачы ўчастка царскай зямлі Нованікалаеўску (суч. Новасібірск).
У пачатку 1930-х у гэтым месцы была створана водна-лыжная станцыя з адкрытым басейнам і вышкамі для скачкоў.
Увосень 1948 г. на месцы будучай набярэжнай была пабудавана першая хакейная пляцоўка, з гэтага месца пачалася гісторыя новасібірскага хакея з шайбай, тут жа новасібірская хакейная каманда дэбютавала ў чэмпіянаце РСФСР, стаўшы чэмпіёнам рэспублікі.
У 1955 годзе архітэктары Р. М. Акунёва і А. Г. Скарабагацька распрацавалі праект набярэжнай, збудаванне якой вялося на ўчастку паміж вусцем Каменкі і Кастрычніцкім мостам да 1964 года.
У 1981 годзе тут пачаў дзейнічаць комплекс чэхаславацкіх атракцыёнаў «Месяц-парк».
У 2017—2018 гадах праведзена рэканструкцыя набярэжнай. Былі абноўлены верхні і ніжні праменады, створаны дарожкі для маламабільных грамадзян, збудавана ліўневая каналізацыя, устаноўлены новыя ліхтары і інш.