Нікі Хэйлі

Нікі Хэйлі
англ.: Nikki Haley
член Палаты прадстаўнікоў Паўднёвай Караліны[d] 11 студзеня 2005 — 11 студзеня 2011
Папярэднік	Larry Koon[d]
Governor of South Carolina[d] 12 студзеня 2011 — 24 студзеня 2017
Папярэднік	Mark Sanford[d]
Пераемнік	Генры Мак-Мастэр[d]
29-ы пастаянны прадстаўнік ЗША пры ААН[d] 27 студзеня 2017 — 31 снежня 2018
Папярэднік	Michele J. Sison[d]
Пераемнік	Jonathan Cohen[d]
Нараджэнне	20 студзеня 1972(1972-01-20)[…] (52 гады) Бамберг, Паўднёвая Караліна
Імя пры нараджэнні
Бацька	Ajit Singh Randhawa[d]
Маці	Raj Kaur Randhawa[d]
Муж	Michael Haley[d]
Веравызнанне	метадызм[d]
Партыя	Рэспубліканская партыя ЗША
Адукацыя	Orangeburg Preparatory Schools, Inc.[d] (1989) Клемсанскі ўніверсітэт (1994)
Аўтограф
Узнагароды	ганаровы доктар Універсітэта Паўднёвай Караліны[d] (2015) Order of the Palmetto[d] (2010) Irving Kristol Award[d] (2019)
Сайт	nikkihaley.com (англ.)
Медыяфайлы на Вікісховішчы

Нікі Хэйлі (англ.: Nikki Haley, народж. Німрата Рандхава; 20 студзеня 1972, Бамберг, Паўднёвая Караліна, ЗША) — амерыканскі палітык, дыпламат.

Біяграфія

Нарадзілася ў сям’і эмігрантаў-сікхаў з індыйскага штата Пенджаб. Яе імя пры нараджэнні Німрата Рандхава. Бацька меў стыпендыю на навучанне ад Універсітэта Брытанскай Калумбіі (Канада), а пасля атрымання ступені доктара навук разам з сям’ёй пераехаў у Паўднёвую Караліну. Там ён выкладаў біялогію ў каледжы. Маці пасля сямі гадоў выкладання ў дзяржаўнай школе адкрыла буцік жаночага адзення. На той час Нікі было чатыры гады.

Скончыла прыватную сярэднюю школу. Пасля яе заканчэння атрымала ступень бакалаўра ў сферы бухгалтарскага ўліку і фінансаў у дзяржаўным Клемсанскім універсітэце.

Пачынаючы з 12 гадоў Нікі дапамагала маці весці бухгалтэрыю ў краме. Пасля заканчэння ўніверсітэту яна некаторы час папрацавала ў кампаніі па перапрацоўцы адкідаў, а затым далучылася да сямейнага бізнесу, які з магазіна ператварыўся ў фірму па выпуску адзення.

У 1998 годзе Нікі Хэйлі была прызначана ў раду дырэктараў Гандлёвай палаты адной з акруг штата Паўднёвая Караліна. У 2004 годзе стала прэзідэнтам Нацыянальнай асацыяцыі жанчын-прадпрымальніц. У тым жа годзе балатавалася ад Рэспубліканскай партыі ў Палату прадстаўнікоў ад штата Паўднёвая Караліна, і ў 32 гады яна стала першай амерыканкай індыйскага паходжання, якая заняла гэтую пасаду ў штаце.

Нікі Хейлі прабыла ў палаце прадстаўнікоў тры тэрміны, а ў 2010 годзе была абраная губернатарам Паўднёвай Караліны. У 2014 годзе яе пераабралі на другі тэрмін. Падала ў адстаўку, каб стаць прадстаўніком ЗША пры ААН.

Пастаянны прадстаўнік ЗША пры ААН з 27 студзеня 2017 па 31 снежня 2018 года.

Пасля сыходу з пасады ў ААН у маі 2019 года Нікі Хэйлі ўвайшла ў склад рады дырэктараў кампаніі Boeing.

Прэтэндэнтка на ўдзел у Прэзідэнцкіх выбарах у ЗША ў 2024 годзе, але ў выніку абвясціла аб выхадзе з прэзідэнцкай гонкі.

Сям'я

У 1996 годзе выйшла замуж. Муж — афіцэр Нацыянальнай гвардыі Паўднёвай Караліны. У іх двое дзяцей.