Палаца-паркавы ансамбль (Юрцава)
Палаца-паркавы ансамбль | |
Сядзіба Любамірскіх | |
---|---|
![]() | |
54°36′14,25″ пн. ш. 30°22′21,77″ у. д.HGЯO | |
Краіна |
![]() |
Вёска | Юрцава |
Архітэктурны стыль | гістарызм |
Дата заснавання | другоя палова XIX стагоддзя |
Сядзіба Любамірскіх — помнік сядзібна-паркавай архітэктуры гістарызму. Размешчаны на ўсходняй ускраіне в. Юрцава Аршанскага раёна, на правым беразе р. Скунья.
Гісторыя[правіць | правіць зыходнік]
![](http://upload.wikimedia.org/wikipedia/commons/thumb/c/ce/Jurcava%2C_Lubamirski._%D0%AE%D1%80%D1%86%D0%B0%D0%B2%D0%B0%2C_%D0%9B%D1%8E%D0%B1%D0%B0%D0%BC%D1%96%D1%80%D1%81%D0%BA%D1%96_%28N._Orda%2C_3.07.1877%29.jpg/220px-Jurcava%2C_Lubamirski._%D0%AE%D1%80%D1%86%D0%B0%D0%B2%D0%B0%2C_%D0%9B%D1%8E%D0%B1%D0%B0%D0%BC%D1%96%D1%80%D1%81%D0%BA%D1%96_%28N._Orda%2C_3.07.1877%29.jpg)
Сфарміраваны ў другой палове XIX стагоддзя ў фальварку Кацішын, які належаў К. Любамірскаму, пазней Я. Грабоўскаму.
Доўгі час у сядзібе змяшчаўся Рэспубліканскі шпіталь інвалідаў Другой сусветнай вайны.
Архітэктура[правіць | правіць зыходнік]
![](http://upload.wikimedia.org/wikipedia/commons/thumb/2/2f/%D0%AE%D1%80%D1%86%D0%B0%D0%B2%D0%B0._%D0%91%D1%8B%D0%BB%D0%B0%D1%8F_%D1%81%D1%8F%D0%B4%D0%B7%D1%96%D0%B1%D0%B0_%2802%29.jpg/220px-%D0%AE%D1%80%D1%86%D0%B0%D0%B2%D0%B0._%D0%91%D1%8B%D0%BB%D0%B0%D1%8F_%D1%81%D1%8F%D0%B4%D0%B7%D1%96%D0%B1%D0%B0_%2802%29.jpg)
Уяўляў сабой вялікі архітэктарскі ансамбль інтэрпрэтаваных формаў сярэдневяковага палацава-замкавай архітэктуры. Галоўны фасад сіметрычнай дзевяцівосевай кампазіцыі фланкіраваны глыбокімі рызалітамі з буйнымі кутнімі пілонамі і вылучаны ў цэнтры ганкам. З панадворку фланкіраваны моцнымі васьміграннымі вежамі, якія былі завершаны зубчастымі парапетамі. Берагавы нахіл мясцовасці раскрывае цокальны паверх, члянёны аконнай аркатурай, першы паверх з арачнымі вокнамі ў гатычных стральчатых нішах, другі — з прамавугольнымі вокнамі ў арачных нішах з клінападобнымі перамычкамі. Плоскасныя фасады будынку апяразаныя прафіляваным карнізам з аркатурным фрызам — адзіным элементам архітэктарскага дэкору. Планіроўка калідорная са скляпеністымі перакрыццямі памяшканняў цокальнага паверху. На кожным паверсе вуглавых вежаў размешчаныя круглыя ў плане залы.
Літаратура[правіць | правіць зыходнік]
- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
Спасылкі[правіць | правіць зыходнік]
На Вікісховішчы пакуль няма медыяфайлаў па тэме, але Вы можаце загрузіць іх
- Палаца-паркавы ансамбль (Юрцава) на сайце Radzima.org
- Палаца-паркавы ансамбль (Юрцава) на сайце Глобус Беларусі (руск.)
- Палаца-паркавы ансамбль (Юрцава) на сайце «Архіварта»