Пшанічная мука

Пшанічная мука
Дата пачатку	6 тысячагоддзе да н.э.
Матэрыял	пшаніца
Вугляродны след	0,7 kilogram of carbon dioxide equivalent per kilogram
Водны след	1 849 cubic metre per ton
Медыяфайлы на Вікісховішчы

Мука пшанічная — гэта парашкападобны прадукт, які атрымліваюць пры размолванні зерня пшаніцы.

Гатункі

Па якасці мука пшанічная выпрацоўваецца пяці гатункаў: крупчатка, вышэйшы, 1-й, 2-й гатункі і шатраваная мука (шатроўка). Гатункі мукі адрозніваюцца колерам, буйнасцю памолу, хімічным складам, утрыманнем клейкавіны, хлебапякарнымі ўласцівасцямі і іншымі паказчыкамі.

Крупчатку атрымліваюць з сумесі мяккіх шклопадобных і цвёрдых гатункаў пшаніцы. Яна багатая на крухмал і бялкі. Змест сырой клейкавіны ў крупчатцы не менш чым 30 %.

Колер крупчаткі белы або крэмавы, з жаўтлявым адценнем. Выкарыстоўваюць крупчатку для падрыхтоўкі здобных дражджавых вырабаў.

Муку вышэйшага гатунку атрымліваюць з мяккіх шклопадобных і паўшклопадобных гатункаў пшаніцы. Утрыманне сырой клейкавіны не менш за 28 %. Колер мукі белы ці белы з крэмавым адценнем.

Мука мае высокія хлебапякарныя ўласцівасці, шырока выкарыстоўваецца ў кандытарскай вытворчасці.

З мукі вышэйшага гатунку выпякаюць вырабы з дражджавога, бісквітнага, шаравога, заварнога, пясочнага цеста.

Мука 1-га гатунку вельмі мяккая, танчэйшага памолу, чым вышэйшага, колер белы, з лёгкім жаўтлявым адценнем.

Мука 2-га гатунку Больш грубага памолу, чым першага гатунку, колер белы з прыкметна жаўтлявым або шараватым адценнем.