Свята-Раства-Багародзіцкая царква (Міжэвічы)
| Праваслаўны храм | |
| Свята-Раства-Багародзіцкая царква | |
|---|---|
.jpg) | |
| 52°58′11,51″ пн. ш. 25°05′06,47″ у. д.HGЯO | |
| Краіна |
 Беларусь |
| Вёска | Міжэвічы |
| Канфесія | Праваслаўе |
| Епархія | Навагрудская епархія |
| Архітэктурны стыль | беларускае народнае дойлідства |
| Дата пабудовы | 1867 год |
| Стан | працуе |
 |
|
 Медыяфайлы на Вікісховішчы | |
Свята-Раства-Багародзіцкая царква — праваслаўны храм, які знаходзіцца на паўночна-ўсходняй ускраіне вёскі в. Міжэвічы Слонімскага раёна.
Гісторыя[правіць | правіць зыходнік]
Пабудавана ў 1867 годзе з дрэва. Царква — помнік народнага драўлянага дойлідства.
Архітэктура[правіць | правіць зыходнік]
Двухзрубная пабудова: прамавугольны ў плане асноўны аб’ём з трохграннай алтарнай часткай і бабінец з двух’яруснай званіцай (васьмярык на васьмерыку), завершанай цыбулепадобнай галоўкай. Асноўны аб’ём накрыты двухсхільным дахам з вальмамі над алтарнай часткай. Фасады рытмічна падзелены слупамі-сцяжкамі і паўцыркульнымі аконнымі праёмамі ў простых ліштвах.
Інтэр’ер[правіць | правіць зыходнік]
Мастацка-дэкаратыўны акцэнт інтэр'ера — драўляны іканастас. Шануецца абраз «Маці Божая», які ў храме з часу яго пабудовы. Маецца фератрон пачаіку 19 ст. «Маці Божая Балезная» і «Георгій Перамоганосец», «Пакроў» (2-я палавіна 19 ст.) .
Званіца[правіць | правіць зыходнік]
Уваход на агароджаны ўчастак царквы праз драўляную двух’ярусную надваротную званіцу, якая размешчана аўтаномна на падоўжанай восі царквы. Канструкцыя званіцы каркасная. Агульныя дэталі дэкору (паўцыркульныя праёмы, шалёўка сцен) аб’ядноўваюць яе з царквой у адзіны архітэктурны ансамбль.
Літаратура[правіць | правіць зыходнік]
- Памяць: Гіст.-дакум. хроніка Слонімскага раёна. — Мн.: БЕЛТА, 2004.— 752 с. — стар. 678.
- Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.
Спасылкі[правіць | правіць зыходнік]
|
Свята-Раства-Багародзіцкая царква (Міжэвічы) на Вікісховішчы |
|---|