Свята-Троіцкая царква (Вялікае Міжлессе)

Праваслаўны храм
Свята-Троіцкая царква
52°23′49,24″ пн. ш. 25°00′24,33″ у. д.
Краіна	Беларусь
Аграгарадок	Вялікае Міжлессе
Канфесія	Беларуская праваслаўная царква
Епархія	Брэсцкая і Кобрынская
Дата пабудовы	1903 год

Свята-Троіцкая царква — праваслаўны храм у в. Вялікае Міжлессе Бярозаўскага раёна Брэсцкай вобласці.

Гісторыя

Пабудавана ў 1903 г. з дрэва.

Архітэктура

Вырашана прамавугольным зрубам пад двухсхільным дахам, завершаным двума гранёнымі паўсферычнымі купаламі на васьмігранных барабанах. Гарызантальна ашаляваныя сцены прарэзаны прамавугольнымі аконнымі праёмамі, умацаваны брусамі-сцяжкамі. Да фасада прыбудаваны нізкі прытвор пад двухсхільным дахам.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. - Мінск: Беларуская Энцыклапедыя, 2007. - 653 с. 2000 экз. ISBN 978-985-11-0389-4

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Свята-Троіцкая царква (Вялікае Міжлессе) на сайце Radzima.org
• Свята-Троіцкая царква (Вялікае Міжлессе) на сайце Глобус Беларусі (руск.)