Свішч

Рэнтгеналагічнае даследаванне з сульфатам барыя, якое дэманструе рэтраграднае кантраставанне жоўцевых пратокаў праз дуадэнабіліярны свішч.

Свішч або фістула (ад лац.: fistula — трубка) — канал, які злучае паміж сабой або са знешнім асяроддзем полыя органы або пухліну з паверхняй або якой-небудзь поласцю цела. Звычайна мае выгляд вузкага канала, высланага эпітэліем.

Па сваім характары адрозніваюць свішчы, якія ўтварыліся з прычыны таго ці іншага паталагічнага працэсу, і свішчы, утвораныя пасля хірургічнай аперацыі, якую прарабілі з мэтай адвядзення змесціва таго ці іншага полага органа.

Літаратура

• Свішч, фістула // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 268. — 10 000 экз. — ISBN 985-11-0035-8. — ISBN 985-11-0238-5 (т. 14).