Спінер
![](http://upload.wikimedia.org/wikipedia/commons/thumb/f/f3/Fidget_spinner_red%2C_cropped.jpg/220px-Fidget_spinner_red%2C_cropped.jpg)
![](http://upload.wikimedia.org/wikipedia/commons/thumb/9/9f/FidgetSpinnerSpinning.gif/150px-FidgetSpinnerSpinning.gif)
![](http://upload.wikimedia.org/wikipedia/commons/thumb/4/4f/Svetasijsa-spinner.jpg/220px-Svetasijsa-spinner.jpg)
Спінер, вяртушка, ручная круцёлка (англ.: fidget spinner, hand spinner) — забаўляльная круцільная цацка. У цэнтры спінера знаходзіцца металічны або керамічны падшыпнік, да якога прымацавана некалькі радыяльных лопасцей/крылаў або ўцяжарвальнікаў[1][2].
Цацка вырабляецца з розных матэрыялаў — латуні, нержавейнай сталі, тытану, медзі або пластыку[1][3][4]. Матэрыял і дызайн падшыпнікаў уплывае на працягласць кручэння, тып вібрацыі і шуму, ствараючы сэнсарную зваротную сувязь.
Эксперты падзяліліся ў ацэнках карысці спінера для здароўя, некаторыя лічаць, што ён можа дапамагчы ў гэтых выпадках, іншыя адмаўляюць гэтую магчымасць і лічаць, што цацка хутчэй адцягвае, чым дапамагае сканцэнтравацца.
Спінер быў вынайдзены ў 1990-х гадах, але зрабіўся папулярным толькі ў 2017 годзе. Спінер зрабіўся папулярным сярод школьнікаў, якія выконваюць з ім розныя трукі. У выніку спінеры забаранілі ў некалькіх школах у ЗША на падставе таго, што цацкі адцягваюць дзяцей ад вучобы.
Гісторыя
[правіць | правіць зыходнік]Першапачаткова ў СМІ, такіх як The Guardian, The New York Times, New York Post [5], стварэнне спінера прыпісвалася Кэтрын Хетынгер, інжынеру-хіміку па адукацыі. У інтэрв'ю The New York Times яна сказала, што ідэя для цацкі прыйшла ёй пасля таго, як яна ўбачыла ў Ізраілі арабскіх хлапчукоў, якія кідалі камянямі ў паліцэйскіх. У адказ на гэта ёй захацелася стварыць заспакаяльную цацку, якая змагла бы дапамагчы дзецям вызваліць назапашаную энергію і «спрыяць дасягненню міру»[5]. Аднак у інтэрв'ю The Guardian яна расказала іншую версію, пра тое, што цацку стварыла для сваёй дачкі, калі пакутавала ад міястэніі Эрба-Гольдфлама (аўтаімуннае захворванне, якое выклікае сіндром паталагічнай мышачнай стамляльнасці). Кэтрын не магла гуляць з дачкой, таму сваімі рукамі зрабіла для яе цацку з газеты і ліпкай стужкі. Цацка затым набыла некаторую вядомасць, і Кэтрын пачала вырабляць яе дома і прадаваць на мастацкіх кірмашах у Фларыдзе. 28 мая 1993 года Хетынгер падала патэнт на «цацку-круцёлку», прыладу круглай формы з мяккага пластыку, з пашырэннем (англ.: dome) у цэнтры для ўтрымання пальцамі і з вобадам (англ.: skirt). Яна разаслала прататып вытворцам цацак, аднак не мела поспеху; так, напрыклад, кампанія Hasbro пасля аналізу рынку адмовілася ад здзелкі. У рэшце рэшт тэрмін дзеяння на патэнт Хетынгер мінуў у 2005 годзе, а ў выпадку падаўжэння ён бы скончыўся яшчэ ў 2014[6].
Зноскі
[правіць | правіць зыходнік]- ↑ а б Tuttle, Brad; O'Brien, Elizabeth (April 21, 2017). "Meet the Fidget Spinner, the New Toy Craze Entrancing Kids and Grownups Alike". Money. Архівавана з арыгінала 22 красавіка 2017. Праверана April 22, 2017.
{{cite news}}
: Пададзена больш чым адно значэнне|accessdate=
і|access-date=
specified (даведка) - ↑ Verstegen, Dominic. Your kid probably has a fidget spinner already, but let me tell you about it anyway . USA Today (21 красавіка 2017). Праверана May 7, 2017.
- ↑ Arnett (March 30, 2017). "Need to focus? Fidget toys may help". The Boston Globe. Праверана April 4, 2017.
{{cite news}}
: Невядомы параметр|First=
ігнараваны (прапануецца|first=
) (даведка) - ↑ Plafke, James (December 23, 2016). "Fidget Spinners Are The Must-Have Office Toy For 2017". Forbes. Праверана April 4, 2017.
- ↑ а б Miller, Joshua Rhett. Woman who invented fidget spinners is not getting squat . New York Post (5 мая 2017). Праверана May 12, 2017.
- ↑ Brustein, Joshua. How the Fidget Spinner Origin Story Spun Out of Control (англ.). Bloomberg News (11 мая 2017). Праверана May 12, 2017.