Сёстры міласэрнасці
![]() Кэтрын Элізабэт Мак-Олі, заснавальніца кангрэгацыі (каля 1840). |
Сёстры міласэрнасці (англ.: The Religious Order of the Sisters of Mercy, RSM) — каталіцкая жаночая кангрэгацыя. Заснавана Кэтрын Элізабэт Мак-Олі 12 снежня 1831 года ў Дубліне (Ірландыя).
Дзейнасць кангрэгацыі скіравана на дапамогу бяздольным і адукацыю бедных. Сёстры кангрэгацыі даюць зарок беднасці, паслушэнства і цноты. Адметнасць Сясцёр міласэрнасці — зарок служэння і актыўная грамадская дзейнасць, якая праяўляецца ў лабіраванні пэўных палітычных праграм. Адпаведна сваёй місіі многія манашкі займаюцца выкладчыцкай, медыцынскай і дабрачыннай дзейнасцю.
Гісторыя[правіць | правіць зыходнік]
Кэтрын Элізабэт Мак-Олі пасля атрымання спадчыны выдаткавала значныя сродкі на арганізацыю «Дома міласэрнасці» ў Дубліне. У Доме паслядоўніцы Мак-Олі аказвалі адукацыйныя, рэлігійныя і сацыяльныя паслугі бедным жанчынам і дзецям. «Дом міласэрнасці» захаваўся да цяперашняга часу, у ім знаходзіцца «Міжнародны цэнтр міласэрнасці». Свецкая дзейнасць жаночай суполкі, сабранай пры «Доме міласэрнасці» першы час сутыкнулася з насцярожанасцю царкоўнай іерархіі. Каб пазбегнуць праблем з царкоўнай уладай, Мак-Олі па радзе свайго духоўніка заснавала кангрэгацыю.
![](http://upload.wikimedia.org/wikipedia/commons/thumb/7/75/%D0%9E%D1%82%D1%80%D1%8F%D0%B4_%D1%81%D0%B5%D1%81%D1%82%D0%B5%D1%80_%D0%BC%D0%B8%D0%BB%D0%BE%D1%81%D0%B5%D1%80%D0%B4%D0%B8%D1%8F_%D0%B8%D0%B7_%D0%B3._%D0%A7%D0%B5%D1%80%D0%BD%D0%B8%D0%B3%D0%BE%D0%B2%D0%B0_%D0%BD%D0%B0_%D0%BF%D0%B0%D0%BB%D1%83%D0%B1%D0%B5_%D0%BF%D0%BB%D0%B0%D0%B2%D1%83%D1%87%D0%B5%D0%B3%D0%BE_%D0%B3%D0%BE%D1%81%D0%BF%D0%B8%D1%82%D0%B0%D0%BB%D1%8F_%C2%AB%D0%A6%D0%B0%D1%80%D0%B8%D1%86%D0%B0%C2%BB._%D0%9E%D0%B4%D0%B5%D1%81%D1%81%D0%B0%2C_1900_%D0%B3%D0%BE%D0%B4.jpg/220px-thumbnail.jpg)
Пры жыцці Мак-Олі кангрэгацыя налічвала прыкладна 150 сясцёр, было заснавана яшчэ 12 дамоў сясцёр у Ірландыі і 2 дамы ў Англіі. Пасля смерці Мак-Олі 11 лістапада 1841 года, кангрэгацыя «Сёстры міласэрнасці» паступова распаўсюджвала дзейнасць у ЗША, Аўстраліі, Новай Зеландыі і Аргенціне.
У 1992 годзе кангрэгацыяй «Сёстры міласэрнасці» створана Міжнародная асацыяцыя міласэрнасці (Mercy International Association), у 2006 годзе яе валавы даход склаў каля 5,5 мільёнаў фунтаў стэрлінгаў.
20 мая 2009 года дзейнасць кангрэгацыі расследаваў ірландскі ўрад. Даклад Камісіі па расследаванні жорсткага абыходжання з дзецьмі абвінаваціў сясцёр у фізічным, слоўным і сексуальным гвалце над дзецьмі, якія жывуць у дзіцячых дамах кангрэгацыі[1].
Зноскі
- ↑ 'Endemic' rape and abuse of Irish children in Catholic care, inquiry finds . Архівавана з першакрыніцы 29 студзеня 2011.
Літаратура[правіць | правіць зыходнік]
- Беловинский Л. В. Сёстры милосердия // Иллюстрированный энциклопедический историко-бытовой словарь русского народа. XVIII — начало XIX в. / под ред. Н. Ерёминой. — М.: Эксмо, 2007. — С. 615—616. — 784 с. — 5000 экз. — ISBN 978-5-699-24458-4.
- «Sisters of Mercy», Catholic Encyclopedia. New York: Robert Appleton Company. 1913