Троіцкая царква (Белая Царква)

Уніяцкі храм
Троіцкая царква
54°38′33,58″ пн. ш. 29°18′15,29″ у. д.
Краіна	Беларусь
Вёска	Белая Царква
Архітэктурны стыль	барока
Дата заснавання	1590-я
Будаўніцтва	пачатак XVI — XVII стагоддзе
Дата скасавання	1834
Статус	Гісторыка-культурная каштоўнасць Беларусі, шыфр 212Г000814
Стан	руіны
Медыяфайлы на Вікісховішчы

Троіцкая царква — уніяцкі храм у в. Белая Царква, Чашніцкі раён. Помнік архітэктуры ранняга барока, збераглася часткова. Гісторыка-культурная каштоўнасць рэспубліканскага значэння.

Гісторыя

Збудавана ў пачатку XVII ст. на месцы драўлянай царквы XVI ст., збудаванай па фундацыі Багдана Сапегі пры базыльянскім Чарэйскім Троіцкім манастыры. Разбурана ў 1930-я гады.

Архітэктура

Мураваны аднанефавы храм з масіўнай вежай, таўшчыня сцен якой дасягае 1,75—2 м, і паўкруглай алтарнай апсідай. Асноўны аб'ём перакрыты цыліндрычным скляпеннем з распалубкай. Сцены ўмацаваныя контрфорсамі, два сярэднія злучаныя перспектыўнай аркай і ўтвараюць вялікі партал. Вузкія аконныя праёмы маюць паўцыркульныя завяршэнні. Квадратная ў плане трох'ярусная вежа-званіца завершаная шматгранным купалам з чатырма люкарнамі, сцены апрацаваныя пілястрамі і прафіляванымі карнізамі.

Галерэя

• 
  Фота царквы, зробленае да 1916-га года.
• 
  Фота царквы ў 1939-м годзе.
• 
  Рэшткі царквы ў 2012-м годзе.

Літаратура

• Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
• Кулагін, А. М. Праваслаўныя храмы на Беларусі : энцыклапедычны даведнік / А. М. Кулагін; маст. І. І. Бокі. — Мн., 2001. — С. 22, 205, 243, 245, 252, 255, 259, 304.
• Міхайлаўская царква // Кулагін, А. М. Эклектыка. Архітэктура Беларусі другой паловы XIX — пачатку XX ст. — Мн., 2000. — С. 61.
• Раманаў, Р. Чарэйскія святыні / Р. Раманаў // Мастацтва. — 2000. — № 6. — С. 33-35.
• Храмы и приходы Витебской православной Епархии : справочник / сост. А. Матвеев, Н. Дубенецкий. — Витебск, 2002. — С. 157—164.

Спасылкі

• Троіцкая царква (Белая Царква) на сайце Глобус Беларусі (руск.)
• Троіцкая царква (Белая Царква) на сайце Radzima.org
• Троіцкая царква (Белая Царква) на сайце «Архіварта»