Тур дэ Франс

Тур дэ Франс

Інфармацыя пра гонку
Час правядзення	Ліпень
Рэгіён	Францыя і суседнія дзяржавы
Беларуская назва	Тур дэ Франс
Мясцовая назва	Le Tour de France (фр.)
Іншыя назвы	Вялікая пятля
Дысцыпліна	Шашэйная гонка
Спаборніцтва	Сусветны Тур UCI
Тып	Супервелашматдзёнка
Арганізатар	Amaury Sport Organisation
Дырэктар гонкі	Крысціян Прудом
Гісторыя
Першая гонка	1903
Нумар гонкі	109 (2022)
Першы пераможца	Марыс Гарэн
Рэкорд перамог	Жак Анкеціль Бернар Іно Эдзі Меркс Мігель Індурайн (усё па пяць разоў)
Апошні пераможца	Ёнас Вінгегор

«Тур дэ Франс» (фр.: Le Tour de France), неафіцыйная назва Вялікая пятля — самая вядомая і прэстыжная веласіпедная гонка свету. Праводзіцца з 1903 года ў Францыі. з З 2022 года праводзяць жаночую версію «Тур дэ Франс Фэм».

Гісторыя

Лэнс Армстранг - 7-разовы пераможца Тур дэ Франс

Велагонка «Тур дэ Франс» заснавана як рэкламны праект газеты L'Auto (папярэднік цяперашняга L'Équipe), яе рэдактарам і сузаснавальнікам Анры Дэгранжам, каб канкураваць з велагонкай Парыж-Брэст-Парыж і велагонкай Бардо—Парыж.

Ідэя стварэння Тур дэ Франс належыць журналісту L'Auto Жэа Лефеўру, з якім Анры Дэгранж абедаў у парыжскім Café de Madrid 20 лістапада 1902 года. Поспех гонкі Le Tour de France стаў вялікім поспехам і для газеты L'Auto, колькасць падпісчыкаў якой вырасла ў 1903 годзе з 25 тысяч (перад Турам) да 65 тысяч пасля Тура; у 1908 годзе колькасць падпісчыкаў газеты ўзрасла да 250 тысяч, а ў час «Тур дэ Франс» 1923 прадавалася 500 тысяч асобнікаў газеты ў дзень. Рэкордны наклад газеты быў дасягнуты на працягу «Тур дэ Франс» 1933—854 тысячы асобнікаў у дзень. Сёння Тур арганізоўвае «Таварыства Тур-дэ-Франс» — філіял Amaury Sport Organisation, які з'яўляецца часткай медыя-холдынгу, у які ўваходзіць газета L'Équipe.

Тур, які праводзіцца ў Францыі і ў блізкім замежжы, праходзіць штогод на працягу трох тыдняў у ліпені. Толькі ў час Першай (1915—1918) і Другой сусветнай вайны (1940—1946) тур быў адменены.

Прынцыпы гонкі

«Тур дэ Франс» складаецца з 21 этапу: кожны этап доўжыцца адзін дзень. Кожны гоншчык павінен скончыць этап, каб яго час быў зарэгістраваны і назапашаны. Поўная працягласць гонкі — паміж 3000 і 4000 км (трасы і працягласць этапаў кожны год мяняюцца).

Генеральная класіфікацыя — ранжыраванне гоншчыкаў згодна назапашанаму часу. Пераможцам Тура становіцца той гоншчык, сумарны час якога з'яўляецца найменшым сярод усіх удзельнікаў. Можна выйграць агулам Тур, не выйграўшы ніводнага этапу (Грэг Лемонд і Альберта Кантадор зрабілі гэта ў 1990 годзе і 2009 адпаведна).

Акрамя заліку па часе існуюць і іншыя намінацыі:

• Найлепшы спрынтар;
• Найлепшы горны гоншчык;
• Найлепшы малады гоншчык.

Спасылкі

• Афіцыйны сайт «Тур дэ Франс»
• «Тур дэ Франс» на Eurosport
• «Тур дэ Франс» на WorldVelosport