Тэрэза Салгейру

Тэрэза Салгейру
парт.: Maria Teresa de Almeida Salgueiro парт.: Teresa Salgueiro
Асноўная інфармацыя
Дата нараджэння	8 студзеня 1969(1969-01-08) (55 гадоў)
Месца нараджэння	Лісабон, акруга Лісабон, Партугалія
Краіна	Партугалія
Музычная дзейнасць
Прафесіі	спявачка, аўтарка-кампазітар
Пеўчы голас	сапрана
Інструменты	вакал
Жанры	нацыянальная музыка[d]
Грамадская дзейнасць
Член у	Madredeus[d]
Узнагароды
teresasalgueiro.pt
Медыяфайлы на Вікісховішчы

Тэрэза Салгейру (парт.: Teresa Salgueiro, пры нараджэнні Марыя Тэрэза дэ Альмейда Салгейру, парт.: Maria Teresa de Almeida Salgueiro; нар. 8 студзеня 1969, Амадора, Лісабон) — партугальская спявачка, вакалістка гурта Madredeus (1987—2007), пасля сыходу з якога пачала сольную кар’еру. Здымалася ў фільме Віма Вендэрса «Лісабонская гісторыя».

Біяграфія

Тэрэза Салгейру з сямнаццаці гадоў выступала ў гурце Madredeus, у складзе якога яна правяла больш за тысячу канцэртаў. Усяго ў свеце прададзена больш за пяць мільёнаў копій альбомаў калектыву з вакалам Тэрэзы Салгейру.

У 2007 годзе пакінула гурт і занялася сольнай кар’ерай. Першы сольны альбом «Obrigado» быў выпушчаны ў 2005 годзе, калі вакалістка яшчэ не пакінула калектыў, сумесна з шэрагам вядомых музыкантаў і выканаўцаў: Хасэ Карэрасам, Каэтану Вялозу і іншымі.

У 2007 годзе ўдзельнічала ў якасці вядучай салісткі ў альбоме польскага кампазітара Збігнева Прайснера «Silence, Night & Dreams».

Праз год Тэрэза Салгейру выпусціла альбом «Matriz», у якім паспрабавала сумясціць розныя музычныя кірункі партугальскіх рэгіёнаў. З гэтым альбомам яна выступала ў краінах Еўропы і Афрыкі.

Альбом 2011 года «O Mistério» Тэрэза Салгейру запісала пасля знаходжання ў манастыры Арабіда на тэрыторыі аднайменнага партугальскага прыроднага парку.

Сольная дыскаграфія

• 2006 — «Obrigado»
• 2007 — «Você e Eu»
• 2007 — «La Serena»
• 2007 — «Silence, Night & Dreams»
• 2009 — «Matriz»
• 2012 — «O Mistério»
• 2016 — «O Horizonte»