Цітус ван Рэйн

Цітус ван Рэйн
Род дзейнасці	рысавальнік, галерыст
Дата нараджэння	22 верасня 1641(1641-09-22)
Месца нараджэння	Амстэрдам, графства Галандыя, Рэспубліка Злучаных правінцый
Дата смерці	1668[…]
Месца смерці	Амстэрдам, графства Галандыя, Рэспубліка Злучаных правінцый
Грамадзянства	Рэспубліка Злучаных правінцый
Бацька	Рэмбрант
Маці	Саскія ван Эйленбюрх
Медыяфайлы на Вікісховішчы

Рэмбрант, «Цітус», 1658.

Цітус ван Рэйн (нідэрл. Titus van Rijn, верасень 1641 — 4 верасня 1668) — сын нідэрландскага мастака Рэмбранта ван Рэйна і яго жонкі Саскіі.

Біяграфія

Цітус быў ахрышчаны 22 верасня 1641 года ў Амстэрдаме ў царкве Зюйдкерк пад імем Цітус у памяць аб цётцы Саскіі Цітыі.

Пасля смерці Саскіі ў 1642 годзе Рэмбрант для догляду Цітуса наняў Герцье Дзіркс. Праз некалькі гадоў яе змяніла Хендрык Стафельс.

Пасля банкруцтва Рэмбранта ў 1656 годзе, у 1658 Хендрык і Цітус заснавалі кампанію (афіцыйна зарэгістраваную ў 1660) па продажы твораў мастацтва, у якой Рэмбрант быў наёмным працаўніком. Тым самым яны не далі магчымасць крэдыторам спаганяць з мастака напісаныя ім карціны ў кошт даўгоў. Акрамя пошуку заказаў для бацькі і продажу яго твораў Цітус і сам спрабаваў пісаць карціны.

10 лютага 1668 г Цітус ажаніўся з Магдаленай ван Лоа, дачкой аднаго з сяброў Рэмбранта. 4 верасня 1668, праз усяго некалькі месяцаў, Цітус памёр, верагодна, ад чумы і быў пахаваны 7 верасня пры царкве Вестэркерк. Магдалена неўзабаве нарадзіла дачку, якую назвала Цітыяй у гонар бацькі.

Цітус на карцінах Рэмбранта

Цітус намаляваны на чатырох партрэтах Рэмбранта і, верагодна, служыў яму мадэллю для шэрагу карцін біблейскай тэматыкі.

• 
  «Цітус за партай» (1655, Ротэрдам).
• 
  «Цітус чытае» (1656, Вена).
• 
  «Цітус у вобразе манаха» (1660, Амстэрдам).