Саскія ван Эйленбюрх

Саскія ван Эйленбюрх
	Саскія ван Эйленбюрх
Род дзейнасці:	натуршчыца, мадэль
Дата нараджэння:	2 жніўня 1612
Месца нараджэння:	Леўвардэн, Сеньярыя Фрысландыя[d], Рэспубліка Злучаных правінцый
Дата смерці:	14 чэрвеня 1642 (29 гадоў)
Месца смерці:	Амстэрдам, графства Галандыя[d], Рэспубліка Злучаных правінцый
Месца пахавання:	Аўдэкерк[d]
Муж:	Рэмбрант
Дзеці:	Цітус ван Рэйн
	Саскія ван Эйленбюрх на Вікісховішчы

Рэмбрандт, «Бюст маладой жанчыны», 1634 год.

Саскія ван Эйленбюрх (Эйленбург; нідэрл.: Saskia van Uylenburgh, МФА: [ˈsɑskijaː vɑn ˈœylə(n)ˌbʏrx]; 2 жніўня 1612, Леўвардэн - 14 чэрвеня 1642, Амстэрдам) — жонка нідэрландскага мастака Рэмбранта ван Рэйна, намаляваная на шматлікіх яго карцінах і малюнках.

Жыццё[правіць | правіць зыходнік]

Нарадзілася ў Леўвардэне, дачка мясцовага бургамістра, адваката і навукоўца, шляхетнага гараджаніна Ромбертуса ван Эйленбурга. У сям'і было восем дзяцей, з іх чацвёра дачок, Саскія - самая малодшая.

У 12 гадоў згубіла маці, яшчэ праз пяць гадоў - бацьку. Ва ўзросце 21 года яна прыязджае ў Амстэрдам у госці да стрыечнай сястры Алцье, якая была замужам за прапаведнікам Іаганам Карнелісам Сільвіусам. Ён быў знаёмы з Рэмбрантам, які ў 1633 годзе стварыў афорт з яго партрэтам. Відаць, там і пазнаёміліся Рэмбрант і Саскія. 10 чэрвеня 1634 яны абвянчаліся ў амстэрдамскай царкве Аўдэкерк, сведкам быў Іаган Карнеліс Сільвіус. На цырымоніі прысутнічалі стрыечны брат Саскіі Хендрык ван Эйленбург з жонкай Марыяй ван Эйк і сястра Саскіі Тыцыя з мужам.

У 1639 Рэмбрант змог набыць новы дом на вуліцы Сінт-Антонісбрэстрат за 13000 гульдэнаў, куды і пераехаў разам з жонкай (цяпер там размешчаны Дом-музей Рэмбранта). Трое іх дзяцей (Рамбертус і дзве Карнеліі) памерлі неўзабаве пасля нараджэння. 22 верасня 1641 г. быў ахрышчаны іх сын Цітус. У наступным годзе Саскія памерла ва ўзросце 30 гадоў (верагодна, ад туберкулёзу) і была пахавана ў Аўдэкерк.