Швецыя старажытная і сучасная
![](http://upload.wikimedia.org/wikipedia/commons/thumb/e/e6/Suecia_1-032_%3B_Kungstr%C3%A4dg%C3%A5rden-Dahlberg.jpg/220px-Suecia_1-032_%3B_Kungstr%C3%A4dg%C3%A5rden-Dahlberg.jpg)
Швецыя старажытная і сучасная (лац.: Suecia antiqua et hodierna) — кніга з ілюстрацыямі геаграфічных аб'ектаў Швецыі перыяду вялікадзяржаўнасці.
Кароткае апісанне[правіць | правіць зыходнік]
У выданні змяшчаецца 353 гравюр, выкананых па малюнках архітэктара Эрыка Дальберга, які ўзяўся за гэты праект па каралеўскім даручэнні. Дальберг пачаў сваю працу ў 1660 годзе. Ён аб'ехаў розныя рэгіёны Швецыі, дзе на месцы рабіў шматлікія малюнкі панарам гарадоў, асобных гістарычных будынкаў, а таксама карт. Медзярыты не заўсёды былі вельмі дакладнымі, паколькі Дальберг маляваў таксама запланаваныя ім перабудовы, якія часткова не былі рэалізаваны. Акрамя таго, нярэдка ён маляваў людзей у няправільным маштабе ў адносінах да збудаванняў. Такім чынам нямала будынкаў здаваліся больш вялікімі і пампезным, чым былі на самай справе.
Для вырабу гравюр Дальберг наняў лепшых майстроў у Францыі і Галандыі. Ён сам ездзіў у Парыж, каб назіраць за працай. Каля 1670 года, у выніку вайны з Даніяй, праца над кнігай была перапыненая на дзесяць гадоў. Архітэктар памёр у 1703 годзе, пакінуўшы сваю працу незавершанай. З 1720 года альбом паступіў у продаж і за дзесяць гадоў тыраж быў цалкам распрададзены. Пасля было зроблена шмат перавыданняў, апошняе з якіх было апублікавана ў 1924 годзе.
![](http://upload.wikimedia.org/wikipedia/commons/thumb/3/3b/Suecia_1-014_%3B_Stockholm_fr%C3%A5n_v%C3%A4ster.jpg/600px-Suecia_1-014_%3B_Stockholm_fr%C3%A5n_v%C3%A4ster.jpg)