Паддубовік чырвананожкавы

	Паддубовік чырвананожкавы
Навуковая класіфікацыя
Дамен:	Эўкарыёты
Царства:	Грыбы
Падцарства:	Вышэйшыя грыбы
Аддзел:	Базідыяльныя грыбы
Пададдзел:	Agaricomycotina
Клас:	Агарыкаміцэты
Падклас:	Agaricomycetidae
Парадак:	Балетавыя
Сямейства:	Балетавыя
Род:	Баравік
Від:	Паддубовік чырвананожкавы
Міжнародная навуковая назва
	Boletus erythropus Pers., 1795
NCBI	121023
EOL	11444904
MB	234336

Паддубовік чырвананожкавы, паддубовік плямісты (Boletus erythropus) — від ядомага грыба з роду баравікоў сямейства балетавых. Распаўсюджаны ў Еўропе.

Апісанне[правіць | правіць зыходнік]

Дыяметр шапачкі складае 5—20 см, шапачка мае паўшаравідную, падушкаападобную форму, навобмацак аксаміцістая, матавая, зрэдку слізневая, з узростам можа рабіцца голай. Колер — каштанава-карычневы, цёмна-буры, цёмна-карычневы, чорна-буры, з магчымым аліўкавым або чырванаватым адценнем.

Мякіш жаўтаваты ці ярка-жоўты, на зломе хутка сінее або прымае зеленавата-сіні колер, у ножцы — чырванаватая або бураватая, без смаку і водару.

Ножка 5—15 см вышынёй і 1,5—4 см таўшчынёй, цыліндрычная або клубнепадобная, бочкападобная, пазней звычайна патоўшчаная знізу. Колер жоўта-чырвоны, з чырвонымі лускавінкамі ці кропкамі.

Споравы парашок буравата-аліўкавы, споры вераценападобныя, гладкія, 15 × 5 мкм.

Распаўсюджанне[правіць | правіць зыходнік]

Распаўсюджаны ў Еўропе, на Каўказе, ва Усходняй Сібіры, радзей — у Заходняй Сібіры і на поўдні Далёкага Усходу.

Утварае мікарызу з ліставымі і хвайвымі дрэвамі (бук, дуб, яліна, ельніца), аддае перавагу кіслым глебам, сустракаецца ў лясох і ў багністай мясцовасці, сярод імху.