Імпарт

Імпарт (лац.: importare — увазіць) — увоз на мытную тэрыторыю краіны тавараў, паслуг ці капіталу.

Імпарт з пунтку гледжання навукі — гэта вынік міжнароднага падзелу працы ў спаборніцтве краін па найбольш дасканаламу выкарыстоўванню рэсурсаў як матэрыяльных, так і нематэрыяльных.

Разам з экспартам імпарт складае гандлёвы абарот. Розніца паміж агульнай вартасцю экспарту і імпарту складае гандлёвае сальда.

Вартасць імпарту лічыцца ў цэнах на ўмовах CIF, гэта значыць уключаецца вартасць страхавання ды фрахта. З гэтай прычыны агульнасусветны экспарт заўсёды меньш за імпарт.

Імпарт матэрыяльных каштоўнасцяў называецца бачны імпарт. Імпарт транспартных паслуг, турызм, страхаванне і іншыя паслугі, а таксама пераказы грошаў юрыдычных ды фізычных асоб за мяжу — нябачны імпарт.

Падзяляюць імпарт па яго прадмеце на:

• Імпарт тавараў
• Імпарт паслуг
• Імпарт капіталу

Рэімпарт — адваротны ўвоз тавараў, раней вывезеных па-за межы ды не пераапрацаваных там.

Імпарт рэгулюецца дзяржавамі праз некаторыя інструменты гандлёвай палітыкі: мыты, квоты, «дабраахвотныя» абмежаванні, мінімальныя імпартныя цэны, тэхнічныя бар’еры ды іншыя.

Гэтыя інструменты маюць дзве мэты — абарона нацыянальных вытворцаў ад міжнароднай канкурэнцыі ды фіскальная мэта.

Імпарт у Беларусі

Агульная вартасць імпарту ў Беларусь Год Млн.$ 2005 17 981,4 2006 22 100,7 2007 28 602,1 2008 39 341,3

Асноўныя краіны імпарту паводле звестак за 2008 год Год Імпарт, Млн.$ Расія 23 460,3 Германія 2 792,3 Украіна 2 115,1 Кітай 1 414,8

Глядзіце таксама

• Экспарт

Спасылкі

• Сусветная гандлёвая арганізацыя (СГА)
• Камісія па гандлі і развіццю ААН (ЮНКТАД)