Абрам Аронавіч Столяр

Абрам Аронавіч Столяр
Дата нараджэння	20 лютага 1919(1919-02-20)
Месца нараджэння	Тарутынэ, Румынія
Дата смерці	6 мая 1993(1993-05-06) (74 гады)
Месца смерці	Масква, Расія
Грамадзянства	Беларусь  СССР
Род дзейнасці	матэматык
Навуковая сфера	матэматычная логіка
Месца працы	МДУ імя А. А. Куляшова
Навуковая ступень	доктар педагагічных навук (1972)
Навуковае званне	прафесар (1972)
Альма-матар	Бухарскі педагагічны інстытут[d] (1947)
Узнагароды

Абрам Аронавіч Сто́ляр (20 лютага 1919, п. г. т. Тарутынэ, Адэская вобласць, Украіна — 6 мая 1993, Масква) — беларускі матэматык і педагог, спецыяліст у галіне тэорыі і методыкі навучання матэматыцы. Доктар педагагічных навук (1972), прафесар (1972).

Біяграфія

Нарадзіўся ў калоніі Тарутынэ на поўдні Бесарабіі. Скончыў мужчынскі ліцэй у Чатаця-Албэ (сучасны Белгарад-Днястроўск), вучыўся ў Вышэйшай політэхнічнай школе ў Бухарэсце. З пачаткам Вялікай Айчыннай вайны быў эвакуіраваны ў Сярэднюю Азію, дзе працаваў настаўнікам матэматыкі ў сярэдняй школе. Завочна скончыў Бухарскі педагагічны інстытут у 1947 годзе. З 1948 года выкладаў логіку ў Саратаўскім ваенна-марскім падрыхтоўчым вучылішчы.

З 1951 года выкладаў матэматыку ў сярэдняй школе ў Магілёве. У 1951—1992 гадах працаваў у Магілёўскім дзяржаўным педагагічным інстытуце (асістэнт, у 1953—1989 — загадчык кафедры методыкі выкладання матэматыкі, у 1973—1986 — прарэктар па навуковай рабоце). У 1992 годзе А. А. Столяр пераехаў у Маскву і працаваў у Маскоўскім педагагічным інстытуце.

Навуковая дзейнасць

Навуковыя інтарэсы: праблемы і методыка выкладання матэматыкі; матэматычная логіка; пачатковая матэматычная адукацыя; педагогіка сярэдняй і вышэйшай школы; развіваючае навучанне. Распрацаваў тэорыю дзейнага падыходу навучання матэматыцы, прапанаваў канцэпцыю развіццёвага навучання і разам з іншымі навучальна-метадычны комплекс па матэматыцы для пачатковай і 4—5 класаў сярэдняй школы. Аўтар навучальных дапаможнікаў для школ і вышэйшых навучальных устаноў.

У 1979 годзе ўзначаліў арганізаваную ім пры Магілёўскім педагагічным інстытуце навукова-даследчую лабараторыю навучання і разумовага развіцця дзяцей дашкольнага і малодшага школьнага ўзросту, дзе былі распрацаваны першы падручнік па матэматыцы для падрыхтоўчых класаў дзіцячага сада («Матэматыка 0»). Таксама распрацаваў развіваючыя гульні для дзяцей дашкольнага і ранняга школьнага ўзросту.

Узнагароды

Званне «Заслужаны работнік вышэйшай школы Беларускай ССР» (1977).

Бібліяграфія

Сярод апублікаванага:

• Элементарное введение в математическую логику / А. А. Столяр. — М., 1965;
• Методы обучения математике: учебное пособие для ин-тов / А. А. Столяр. — Мн.: Высшая школа, 1966. — 190 с. — 15 000 экз.;
• Логические проблемы преподавания математики : автореферат дисссертации … доктора педагогических наук : 13.731 / Столяр А. А. — Москва, 1969;
• Логическое введение в математику / А. А. Столяр. — Минск, 1971;
• Векторное построение геометрии / Н. М. Рогановский, А. А. Столяр. — Минск, 1974;
• Основы современной школьной математики / А. А. Столяр, Н. М. Рогановский. — Минск, 1975;
• Сколько сторон у поверхности / Е. В. Коробенок, А. А. Столяр. — Минск, 1985;
• Педагогика математики: учебное пособие для физ.-мат. фак. пед. институтов / А. А. Столяр. — 3-е изд., перераб. и доп. — Минск: Вышэйшая школа, 1986. — 413, [1] с.: ил.; 21 см. — Библиогр.: с. 409. — 9000 экз.
• Зачем и как мы доказываем в математике / А. А. Столяр. — Минск, 1987;
• Формирование элементарных математических представлений у дошкольников / под ред. А. А. Столяра. — М., 1988;
• Методика начального обучения математике [Текст] : учебное пособие для вузов / ред.: А. А. Столяр, В. Л. Дрозд. — Минск : Высшая школа, 1988. — 254 с. : ил. — 27 000 экз. — ISBN 5-339-00008-7;
• Математика в 1 классе / А. А. Столяр. — Минск, 1992.

Літаратура

• Столяр Абрам Аронавіч // Беларуская Савецкая Энцыклапедыя. У 12 т. Т. 10. Сошна — Фут / Рэдкал.: П. У. Броўка (гал. рэд.) і інш. — Мн.: БелСЭ, 1974. — С. 70. — 656 с.: іл., карты.
• Сто́ляр Абрам Аронавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 188. — 10 000 экз. — ISBN 985-11-0035-8. — ISBN 985-11-0251-2 (т. 15).
• Столяр Абрам Аронович // Республика Беларусь : энциклопедия : [в 7 т.]. — Минск, 2008. — Т. 7. — С. 125—126.
• О педагогической концепции А. А. Столяра (к 100-летию со дня рождения) / Л. В. Лещенко, Т. В. Гостевич // Актуальные проблемы обучения математике и информатике в школе и вузе : материалы IV Международной научной конференции : в 2 т. — Москва, 2018. — Т. 2. — С. 208—212.

Спасылкі

• Николаева В. В. А. А. Столяр — учёный, педагог, человек (руск.) // Газета МДУ імя А. Куляшова «Універсітэцкі веснік», № 1—2 (256—257), студзень 2019. — С. 1, 4.
• Радьков А. А. А. Столяр — учёный, педагог, человек. (К 100-летию со дня рождения) (руск.) // Настаўніцкая газета
• Абрам Аронович Столяр(недаступная спасылка) (руск.) // Бібліяграфічная энцыклапедыя «Образование, наука, культура» на сайце Навуковай педагагічнай бібліятэкі імя К. Д. Ушынскага