Акадэмія навук і літаратуры ў Майнцы

Акадэмія навук і літаратуры ў Майнцы
Краіна	Германія
Адміністрацыйны цэнтр	Майнц, Германія
Тып арганізацыі	акадэмія навук і публічны даследчы ўніверсітэт[d]
Афіцыйная мова	нямецкая
Кіраўнікі
Прэзідэнт	Гернат Вільгельм
Віцэ-прэзідэнт	Герхард Вегнер
Заснаванне
Дата заснавання	9 ліпеня 1949
Член у	Саюз нямецкіх акадэмій навук Informationsdienst Wissenschaft[d] OCLC, Inc.[d] German National Research Data Infrastructure (NFDI) e.V.[d] mainzed[d]
adwmainz.de
Медыяфайлы на Вікісховішчы

Акадэмія навук і літаратуры ў Майнцы (ням.: Akademie der Wissenschaften und der Literatur Mainz, скар. AdW-Mainz) — грамадская некамерцыйная арганізацыя, навукова-даследчы цэнтр пры штаб-кватэры Саюза Акадэмій навук Германіі.

Гісторыя

Акадэмія навук і літаратуры ў Майнцы была заснавана 9 ліпеня 1949 г. па ініцыятыве вядомага нямецкага пісьменніка Альфрэда Дзёбліна (1878—1957) і шэрагу іншых дзеячаў навукі і мастацтва. Новы навукова-даследчы цэнтр ствараўся высілкамі членаў расфарміраванай Прускай акадэміі навук, якія апынуліся ў французскай і брытанскай акупацыйных зонах Германіі пасля Другой сусветнай вайны. У пэўным сэнсе, акадэмія навук у Майнцы разглядалася як заходнегерманская пераемніца Прускай акадэміі, у супрацьлегласць фармальнай правапераемніцы — Акадэміі навук ГДР.

У аснову праекта стварэння акадэміі таксама былі пакладзены ідэі Готфрыда Вільгельма Лейбніца, які развіваў канцэпцыю інстытуцыяналізацыі навукі ў перыяд сваёй службы пры двары курфюрста Майнцкага. На гербе арганізацыі змешаны дэвіз «Духам Лейбніца» (лац.: Genio Leibnitii).

Пасля стварэння Саюза Акадэмій навук Германіі менавіта акадэмія ў Майнцы стала базавай пляцоўкай для развіцця супрацоўніцтва паміж рэгіянальнымі навукова-даследчымі цэнтрамі асобных федэральных зямель, тут жа была створана штаб-кватэра гэтай арганізацыі.

Структура

Акадэмія навук і літаратуры ў Майнцы ў арганізацыйным плане трохі адрозніваецца ад структуры, традыцыйнай для аналагічных устаноў Германіі: як і Вестфальская акадэмія навук яна аб’ядноўвае не толькі навукоўцаў, але і дзеячаў мастацтва. Вылучаюцца 3 класы ў складзе акадэміі:

• Матэматыка-прыродазнаўчанавуковы клас — мае ў сваім складзе 8 камісій і даследчых груп, галоўным чынам у галіне медыцыны і біялогіі. На чале класа Акадэмік-сакратар, Віцэ-прэзідэнт акадэміі навук, прафесар Герхард Вегнер (ням.: Prof. Dr. rer. nat., Dr. h.c. Gerhard Wegner).
• Клас гуманітарных і грамадскіх навук — найбуйнейшае падраздзяленне акадэміі, якое ўключае ў сябе 36 камісій і даследчых груп, што здзяйсняюць праекты галоўным чынам у галіне філалогіі і гісторыі. На чале класа Акадэмік-сакратар, Віцэ-прэзідэнт акадэміі навук, прафесар Гернат Вільгельм (ням.: Prof. Dr. phil. Gernot Wilhelm).
• Клас літаратуры — ажыццяўляе мерапрыемствы па даследаванні і актыўным фарміраванні сучаснага літаратурнага працэсу ў Германіі і нямецкамоўным свеце. На чале класа Акадэмік-сакратар, Віцэ-прэзідэнт акадэміі навук, прафесар Норберт Мілер (ням.: Prof. Dr. phil. Norbert Miller).

Кіраўніком акадэміі з’яўляецца Прэзідэнт, якому падпарадкоўваецца кіруючы орган Акадэміі — Праўленне, якое склажаецца з віцэ-прэзідэнтаў і іх намеснікаў. У наш час пасаду прэзідэнта акадэміі займае ўсходазнавец Гернат Вільгельм (ням.: Gernot Wilhelm).

Прэзідэнты

• 2005—2013 — Эльке Люцьен-Дрэколь 
• з 2013 — Гернат Вільгельм