Аляксандр Мікалаевіч Казека

Аляксандр Мікалаевіч Казека
Асабістыя звесткі
Дата нараджэння	4 жніўня 1958(1958-08-04) (65 гадоў)
Месца нараджэння	Новы Юзін[d], Грыбавецкі сельсавет, Кіраўскі раён, Магілёўская вобласць, БССР, СССР
Грамадзянства	Беларусь
Альма-матар	Акадэмія Федэральнай службы аховы Расійскай Федэрацыі[d]
Месца працы	Магілёўская абласная філармонія
Прафесійная дзейнасць
Род дзейнасці	паэт
Мова твораў	беларуская і руская
Грамадская дзейнасць
Член у	Саюз пісьменнікаў Беларусі Рускае культурна-асветніцкае таварыства[d] Віккру[d]
Узнагароды

Аляксандр Мікалаевіч Казека (4 жніўня 1958, в. Новы Юзін, Кіраўскі раён, Магілёўская вобласць) — беларускі паэт.

Біяграфія

Нарадзіўся 4 жніўня 1958 г. у вёсцы Новы Юзін Кіраўскага раёна ў сям’і лесніка. У 1970 г. сям’я пераехала ў вёску Чачэвічы Быхаўскага раёна. Пасля заканчэння Чачэвіцкай сельскай школы паступіў у Арлоўскае вышэйшае ваеннае вучылішча сувязі. Служыў у Арле, Уладзівастоку, Бранску, Магілёве.

Пасля выхаду ў запас працаваў настаўнікам у вёсцы Чачэвічы, потым — у Магілёўскай абласной філармоніі. Пасля закрыцця філармоніі працаваў намеснікам кіраўніка Магілёўскага абласнога Цэнтра культуры і мастацтва.

Член праўладнага Саюза пісьменнікаў Беларусі, член яго Праўлення і Прэзідыума, старшыня Магілёўскага абласнога аддзялення. Член Каардынацыйнага савета грамадскіх аб’яднанняў і палітычных партый Магілёўскай вобласці.

Член грамадскага аб’яднання «Рускае культурна-асветніцкае таварыства», член Магілёўскага абласнога гісторыка-патрыятычнага пошукавага клуба «Віккру».

Член рэдакцыйнага савета часопіса «Белая вежа» Саюза пісьменнікаў Саюзнай дзяржавы.

Творчасць

Піша на беларускай і рускай мовах. Аўтар кніг паэзіі «Души моей родник» (2005 г.), «Мелодия надежды» (2008 г.), «Час сяўбы» (2009 г.), паэм «Медуніца» (2012 г.), «Марыйка» (2013 г.). Акрамя таго яго вершы змешчаны ў калектыўных зборніках «Мы дзеці твае, Беларусь», «Прыдняпроўе — маё натхненне».

Узнагароды

Узнагароджаны медалямі «За бездакорную службу» ІІІ і ІІ ступеняў, «70 гадоў Узброеных Сіл СССР», «90 год органам дзяржаўнай бяспекі Беларусі», медалём Францыска Скарыны і інш., знакамі, шматлікімі ганаровымі граматамі і лістамі падзякі СССР, Рэспублікі Беларусь і Расійскай Федэрацыі.

Лаўрэат спецыяльнай прэміі Магілёўскага гарадскога выканаўчага камітэта «Дасягненне» 2018 г. у намінацыі «Літаратурная дзейнасць».

За шматгадовую плённую дзейнасць і прапаганду духоўных каштоўнасцей у літаратурнай творчасці імя Аляксандра Мікалаевіча Казекі ўнесена ў Кнігу славы Магілёўшчыны па выніках 2020 года.

Бібліяграфія

• «Души моей родник» (Магілёў, 2005)
• «Мелодия надежды» (Магілёў, 2008)
• «Единственный друг» (зборнік песень М. Яцкова на словы А. Казекі) (2008)
• «Час сяўбы» (Магілёў, 2009)
• «Медуніца» (Магілёў, 2012)
• «Перекрестки судеб» (Мінск, 2014)
• «Марыйка» (Магілёў, 2017)
• «Маё сэрца навек застаецца з табой» (2019)
• «Песня роднай зямлі» (Мінск, 2020)
• «Марыйка» (Магілёў, 2020)