Аляксей Аляксандравіч Вакуліч

З Вікіпедыі, свабоднай энцыклапедыі
Футбол
Аляксей Вакуліч
Агульная інфармацыя
Поўнае імя Аляксей Аляксандравіч Вакуліч
Нарадзіўся 24 чэрвеня 1998(1998-06-24)[1] (25 гадоў)
Грамадзянства  Беларусь
Рост 179 см
Вага 65 кг[2]
Пазіцыя абаронца, паўабаронца
Інфармацыя пра клуб
Клуб Расія Арсенал
Нумар 34
Маладзёжныя клубы
Беларусь ДЮСШ Івацэвічы
0000—2015 Беларусь Нёман (Гродна)
Клубная кар’ера[* 1]
2015 Беларусь Нёман (Гродна) 0 (0)
2016—2017 Беларусь Мінск 1 (0)
2018 Беларусь Энергетык-БДУ (Мінск) 12 (0)
2018 Беларусь Баранавічы 12 (3)
2019—2020 Беларусь Смалявічы 40 (6)
2020—2021 Расія Велес (Масква) 28 (0)
2021 Беларусь Рух (Брэст) 9 (0)
2022—2023 Беларусь Дынама (Мінск) 45 (0)
2024— Расія Арсенал (Тула)
Нацыянальная зборная[* 2]
2016 Беларусь Беларусь (да 19) 2 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 18 студзеня 2024.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 22 ліпеня 2018

Аляксей Вакуліч (нар. 24 чэрвеня 1998, Івацэвічы) — беларускі футбаліст, абаронца расйіскага клуба «Арсенал» з Тулы.

Клубная кар’ера[правіць | правіць зыходнік]

Выхаванец ДЮСШ горада Івацэвічы, у юнацкім узросце трапіў у структуру гродзенскага «Нёмана», дзе ў 2015 годзе пачаў выступаць за дубль. У студзені 2016 года малады паўабаронца перайшоў у «Мінск»[3], дзе таксама стаў у асноўным выступаць за дубль. 23 мая 2016 года дэбютаваў у Вышэйшай лізе, выйшаўшы на замену ў канцы матча супраць «Гарадзеі» (2:1), таксама згуляў за асноўную каманду «Мінска» ў адным матчы Кубка Беларусі. У сакавіку 2017 года гуляў у чвэрцьфінале Кубка Беларусі супраць БАТЭ, аднак пазней больш не прыцягваўся да асноўнай каманды «гараджан», выступаў выключна за дубль.

У лютым 2018 года праходзіў прагляд у «Смалявічах», але беспаспяхова[4] і пачаў сезон 2018 у складзе «Энергетыка-БДУ»[5]. У жніўні 2018 года перабраўся ў «Баранавічы»[6].

У снежні 2018 года папоўніў склад «Смалявічаў»[7]. Па выніках сезона 2019 дапамог камандзе выйсці ў Вышэйшую лігу, у 2020 годзе заставаўся асноўным іграком смалявічцаў. У ліпені 2020 года пакінуў клуб[8].

У жніўні 2020 года папоўніў склад расійскага клуба «Велес»[9], дзе чаргаваў выхады ў стартавым складзе і на замену, у 2021 годзе стаў часцей заставацца на лаўцы запасных. У чэрвені 2021 года стала вядома, што расійскі клуб не будзе падаўжаць пагадненне з футбалістам[10], і неўзабаве той падпісаў двухгадовы кантракт з брэсцкім «Рухам»[11]. Гуляў пераважна ў стартавым складзе брэсцкай каманды. 7 кастрычніка 2021 года ў матчы супраць мінскага «Дынама» быў выдалены з поля на 30-й хвіліне за грубую гульню, у выніку «Рух» саступіў лікам 1:3, а абаронца атрымаў дыскваліфікацыю на 6 матчаў (пазней скарочана да 4 матчаў) і больш не з’яўляўся на полі ў сезоне 2021.

У пачатку 2022 года рыхтаваўся да новага сезона з «Рухам», аднак у сакавіку, пасля таго як брэсцкі клуб зняўся з Вышэйшай лігі, падпісаў кантракт з мінскім «Дынама»[12]. Замацаваўся ў стартаавым складзе дынамаўцаў, толькі восенню стаў часам заставацца на лаўцы запасных. У снежні 2022 года падоўжыў пагадненне са сталічным клубам[13].

У снежні 2023 года перайшоў у тульскі «Арсенал»[14].

Міжнародная кар’ера[правіць | правіць зыходнік]

У лістападзе 2016 года выступаў за юніёрскую зборнай Беларусі (да 19 гадоў) у адборачным раўндзе чэмпіянату Еўропы.

Дасягненні[правіць | правіць зыходнік]

Статыстыка выступленняў[правіць | правіць зыходнік]

Сезон Дывізіён Клуб Краіна Матчы Галы
2015 дубль Нёман Беларусь 12 0
2016 Д1 Мінск Беларусь 1 0
2017 дубль Мінск Беларусь 19 2
2018 (1) Д2 Энергетык-БДУ Беларусь 12 0
2018 (2) Д2 Баранавічы Беларусь 12 3
2019 Д2 Смалявічы Беларусь 27 3
2020 (1) Д1 Смалявічы Беларусь 13 3
2020/21 Д2 Велес Расія 28 0
2021 (2) Д1 Рух Беларусь 9 0
2022 Д1 Дынама Беларусь 24 0
2023 Д1 Дынама Беларусь 21 0

Крыніцы[правіць | правіць зыходнік]

  1. ↑ Aleksey Vakulich // Transfermarkt — 2000. Праверана 9 кастрычніка 2017.
  2. ↑ https://dinamo-minsk.by/blr/asnouny-sklad/2022/vakulich-aleksei
  3. ↑ Вакулич подписал контракт с «Минском» (руск.). by.tribuna.com.
  4. ↑ Лухтанов, Завадский на просмотре в «Смолевичах», Карп, Вакулич покинули команду (руск.). by.tribuna.com.
  5. ↑ 1-я лига. Анонс сезона. «Локо» в Хойниках. Новополоцк и Мозырь: надолго? (руск.)(недаступная спасылка). football.by (5 красавіка 2018). Архівавана з першакрыніцы 6 мая 2019.
  6. ↑ Нулевая ничья. Чем закончилась встреча ФК «Барановичи» со «Слонимом-2017» (руск.). intex-press.by (12 жніўня 2018).
  7. ↑ Бразевич остался у руля "Смолевичей". Клуб подписал Барсукова и Вакулича (руск.). football.by (21 снежня 2018). Праверана 18 студзеня 2024.
  8. ↑ Ращеня и еще 4 игрока покинули «Смолевичи» (руск.). by.tribuna.com.
  9. ↑ Вакулич сменил "Смолевичи" на российский "Велес" (руск.). football.by (8 жніўня 2020). Праверана 18 студзеня 2024.
  10. ↑ "Велес" не стал продлевать контракт с Вакуличем (руск.). football.by (13 чэрвеня 2021). Праверана 18 студзеня 2024.
  11. ↑ "Рух" объявил о подписании контракта с Вакуличем (руск.). football.by (18 чэрвеня 2021). Праверана 18 студзеня 2024.
  12. ↑ Алексей Вакулич будет выступать за минское "Динамо" (руск.). football.by (10 сакавіка 2022). Праверана 18 студзеня 2024.
  13. ↑ Бегунов и Вакулич продлили контракты с минским "Динамо" (руск.). football.by (6 снежня 2022). Праверана 18 студзеня 2024.
  14. ↑ Не только Бахар. Тульский "Арсенал" представил двух новичков из минского "Динамо" (руск.). football.by (15 снежня 2023). Праверана 18 студзеня 2024.

Спасылкі[правіць | правіць зыходнік]

Узята з "https://be.wikipedia.org/w/index.php?title=Аляксей_Аляксандравіч_Вакуліч&oldid=4660710"