Андрэс Мануэль Лопес Абрадор

З пляцоўкі Вікіпедыя
Перайсці да: рух, знайсці
Andres manuel lopez obrador oct05.jpg

Андрэс Мануэль Лопес Абрадор (ісп.: Andrés Manuel López Obrador; нар. 13 лістапада 1953, Макушпана, штат Табаска) — мексіканскі палітык, кандыдат у прэзідэнты на выбарах 2006 і 2012 года.

Навучаўся ў Нацыянальным аўтаномным універсітэце Мексікі па спецыяльнасці «паліталогія і публічнае кіраванне». Пачаў палітычную кар'еру ў кіруючай Інстытуцыянальна-рэвалюцыйнай партыі. У 1988 годзе перайшоў у новы левы рух Corriente Democrática, заснаваны Куатэмокам Кардэнасам, які ў наступным годзе быў пераўтвораны ў Партыю дэмакратычнай рэвалюцыі (ісп.: Partido de la Revolución Democrática), якая займала больш радыкальную пазіцыю, чым Інстытуцыянальна-рэвалюцыйная партыя. У 2000—05 гадах узначальваў Федэральную акругу Мехіка (фактычна гэта пасада мэра Мехіка без уліку прыгарадаў). На гэтай пасадзе Абрадор актыўна садзейнічаў вырашэнню сацыяльных і транспартных праблем. У 2006 годзе быў кандыдатам на прэзідэнцкіх выбараў ад ПДР. Яго галоўны канкурэнт Феліпэ Кальдэрон атрымаў 15 000 284 (35,89%) галасоў, Абрадор — 14 756 350 (35,31%), аднак яго прыхільнікі адмовіліся прызнаць вынікі, бо пасля падліку 90% бюлетэняў Абрадор меў перавагу каля 1%. Паколькі мексіканскае заканадаўства не прадугледжвае другога тура, Кальдэрон быў абвешчаны прэзідэнтам. У абставінах распачатай прыхльнікамі ПДР «кактусавай рэвалюцыі» Абрадор быў абвяшчаны альтэрнатыўным прэзідэнтам, аднак хутка ён прызнаў сваю паразу.

У 2011 годзе Кальдэрон абвясціў пра жаданне ўдзельнічаць у выбарах 2012 года.

Спасылкі[правіць | правіць зыходнік]