Асаед звычайны

З пляцоўкі Вікіпедыя
Перайсці да: рух, знайсці
Асаед звычайны
Trzmielojad Pernis apivorus.jpg
Навуковая класіфікацыя
Міжнародная навуковая назва

Pernis apivorus Linnaeus, 1758

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS   175454
NCBI   43551
EOL   914556
Pernis apivorus

Асаед звычайны, пчалаед (Pernis apivorus) — драпежная птушка з сямейства ястрабіных. Адзіны прадстаўнік рода звычайных асаедаў (Pernis), які распаўсюджаны ў Еўропе.

Апісанне[правіць | правіць зыходнік]

Даўжыня цела звычайнага асаеда — ад 55 да 60 сантыметраў, размах крылаў дасягае 150 см, важыць дарослая птушка звычайна ад 500 да 1000 грам.

Апярэнне спіны шэра-бурае, брушка белае з шаравата-жоўтым адценнем у самцоў і бурае з цёмнымі плямкамі або стракацінамі ў самак. На хвасце 3 шырокія белыя паласы.

Распаўсюджанне[правіць | правіць зыходнік]

Пашыраны ў Еўразіі. Арэал цягнецца ад Партугалii праз Еўропу да Каўказа i Сярэдняй Азii. На Беларусі нешматлікі пералётны від. Зімуе асаед звычайны ў Афрыцы на поўдзень ад Сахары.

Аддае перавагу не вельмi высокiм самкнутым лiсцевым альбо мяшаным дрэвастоям; радзей - сасновым барам. Часцей селіцца паблiзу сухiх адкрытых тэрыторый, а таксама ў ландшафце з невялікімі лясамі, лугамі, балотамі.

Асаблівасці біялогіі[правіць | правіць зыходнік]

Корміцца насякомымі (восы, мухі, жукі і інш.).

Прылятае ў красавіку—маі. Гнёзды звычайна на высокіх лiсцевых або хваёвых дрэвах каля лясных ўскрайкаў, у сярэдзiне кроны, паблiзу ствала ў развiлцы, на вышыні 10-20 м над зямлёй. У выглядзе плоскага кола. Аснова з галiн рознага памеру, высцiлка з кары, шэрсцi, сухой травы i лішайнікаў. На краі гнязда, звычайна зверху, свежыя галiнкi з лiсцем (звычайна бяроз i асiн, але таксама і хваёвых дрэў). Новае гняздо можа выглядаць як зялёная купіна дыяметрам 59-65 см. Займае таксама гнёзды іншых вялiкiх птушак, якiя потым высцiлае.

Нясе 2—3 яйцы, уздутыя альбо амаль элiптычныя, жоўтыя з мазкамi карычнева-ржавага або арэхавага колеру; акрамя таго, на iх мноства цёмных плям. Памеры: 49,5 х 40,5 мм.

Літаратура[правіць | правіць зыходнік]

  • Птушкі Еўропы: Палявы вызначальнік. — Варшава: Навуковае выдавецтва ПНВ, 2000. — 540 с.: іл. ISBN 83-01-13187-X

Спасылкі[правіць | правіць зыходнік]