Бярнард Ваяводка
| Бярнард Ваяводка | |
|---|---|
| Род дзейнасці | друкар, матэматык, перакладчык, выдавец |
| Дата нараджэння | XVI стагоддзе[1] ці невядома |
| Месца нараджэння | |
| Дата смерці | 26 ліпеня 1554[1] ці ліпень 1554 |
| Грамадзянства | |
Бярнард Ваяводка (польск.: Bernard Wojewódka; ?, Кракаў — ліпень 1554) — матэматык, друкар i перакладчык.
Біяграфія[правіць | правіць зыходнік]
Нарадзіўся ў Кракаве. Аўтар кнігі па матэматыцы «Алгарытм — навука лічбы» (Кракаў, 1553). Па запрашэнні дзеяча рэфармацыі Мікалая Радзівіла Чорнага ў 1553 пераехаў у Берасце, дзе ўзначаліў першую на тэрыторыі сучаснай Беларусі друкарню, якая дзейнічала ў 1550—1570-я гады.
Творчасць[правіць | правіць зыходнік]
Першыя выданні друкарні (Вялікі i Малы Катэхізісы, перакладныя тэалагічныя творы Крыштафа Імлера, Урбана Рэгіуса) адпавядалі патрэбам рэфармацыйнага руху, які быў накіраваны супраць каталіцкай царквы i меў антыфеадальны характар. На думку даследчыкаў, Ваяводка прымаў таксама ўдзел у падрыхтоўцы да выдання Берасцейскай Бібліі 1563 года — помніка польскамоўнага кнігадрукавання на Беларусі.
Зноскі
- ↑ а б Bibliothèque nationale de France data.bnf.fr: платформа адкрытых даных — 2011. Праверана 31 мая 2021.
Літаратура[правіць | правіць зыходнік]
- Мысліцелі і асветнікі Беларусі: Энцыкл. даведнік / Беларус. Энцыкл.; Гал. рэд. «Беларус. Энцыкл.»: Б. І. Сачанка (гал. рэд) і інш.; Маст. Э. Э. Жакевіч. — Мн.: БелЭн, 1995.
- Drukarze dawnej Polski : od XV do XVIII wieku. Z. 5, Wielkie Księstwo Litewskie. Wrocław; Kraków. 1959, S. 248—255.