Валерый Фёдаравіч Ачайкін
Валерый Фёдаравіч Ачайкін | |
---|---|
Дата нараджэння | 20 верасня 1938 |
Месца нараджэння | |
Дата смерці | 1 кастрычніка 2017 (79 гадоў) |
Месца смерці | |
Грамадзянства | |
Альма-матар | |
Месца працы | |
Навуковае званне | |
Член у | |
Працаваў у гарадах | Мінск |
Узнагароды |
Валерый Фёдаравіч Ачайкін (20 верасня 1938, Анаткасы, Урмарскі раён, Чувашская АССР — 1 кастрычніка 2017, Мінск) — беларускі архітэктар чувашскага паходжання, мастак і педагог.
Біяграфія[правіць | правіць зыходнік]
Нарадзіўся 20 верасня 1938 года у вёсцы Анаткасы Урмарскага раёна Чуваскай АССР у сям’і селяніна. З 1956 года па 1961 год вучыўся у Чэбаксарскім мастацкім вучылішчы , з 1961 года па 1967 год у Ленінградскім вышэйшым мастацка-прамысловым вучылішчы імя В. І. Мухінай. З 1967 года жыў у Мінску.
З 1967 года да 1970 года працаваў на заводзе вылічальнай тэхнікі імя Арджанікідзе, а з 1970 па 2002 гады ў праектным інстытуце Белдзяржпраект, дзе з 1995 года ўзначальваў аддзел інтэр’ераў і малых архітэктурных формаў. З 1991 года дацэнт Беларускай дзяржаўнай акадэміі мастацтваў. З 2005 года з’яўляўся дацэнтам Інстытута сучасных ведаў імя А. М. Шырокава і дарадцаю Беларускай акадэміі архітэктуры.
Член Саюза архітэктараў СССР з 1975 года, член Беларускага саюза мастакоў (2008).
Творчасць[правіць | правіць зыходнік]
Архітэктура[правіць | правіць зыходнік]
Браў удзел у вялікай колькасці архітэктурных праектаў інстытута Белдзяржпраект як распрацоўшчык інтэр’ераў будынкаў (1970—1986) і малых архітэктурных формаў. Некаторыя з іх:
- інтэр’еры і панно на фасадзе галоўнага будынка Рэспубліканскай бальніцы у Бараўлянах (разам з Вольгай Ладыгінай і Паўлам Беляевым);
- інтэр’ер універмага «Зорка» па вуліцы Веры Харужай, 21 у Мінску (разам з Вольгай Ладыгінай);
- інтэр’ер кінатэатра «Кастрычнік» у Мінску
- інтэр’ер станцыі Мінскага метрапалітэна «Інстытут культуры» (1979—1983)
Цягам 5 гадоў з’яўляўся членам творчай групы па распрацоўке інтэр’ераў Палаца Рэспублікі.
Выяўленчае мастацтва[правіць | правіць зыходнік]
Валерый Ачайкін вядомы як мастак, які працаваў у жанрах пейзажа, нацюрморта, партрэта. Браў удзел у шматлікіх выставах. Яго творы знаходзяцца ў Музеі Вялікай Айчыннай вайны у Мінску, у мастацкім музеі г. Табольска і ў шматлікіх прыватных сборах у Беларусі, Расіі, Германіі, Злучаных Штатах, Францыі і Літве.
Педагагічная дзейнасць[правіць | правіць зыходнік]
З 1971 па 1981 гады ўзначальваў мастацкую студыю пры Саюзе архітэктараў Беларусі. Быў дацэнтам Беларускай дзяржаўнай акадэміі мастацтваў і дацэнтам Інстытута сучасных ведаў імя А. М. Шырокава.
Узнагароды[правіць | правіць зыходнік]
Праекты інтэр’ераў неаднаразова адзначаліся Ганаровымі граматамі Саюза архітэктараў Беларусі. За праект інтэр’еру станцыі Мінскага метрапалітэна «Інстытут культуры» ўзнагароджаны Ганаровай граматай Вярхоўнага Савета БССР.
Дукаваныя працы[правіць | правіць зыходнік]
Падручнік «Проектирование интерьеров индивидуального жилого дома : учебное пособие для вузов» / Л. Е. Дягилев, В. Ф. Очайкин. — Минск : Современные знания, 2008. — 107 с. — ISBN 978-985-6885-10-8.
Крыніцы[правіць | правіць зыходнік]
Літаратура[правіць | правіць зыходнік]
- Очайкин Валерий Федорович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
Спасылкі[правіць | правіць зыходнік]
- Міністэрства культуры Чувашыі
- ВАК Рэспублікі Беларусь Архівавана 4 сакавіка 2016.
- Нарадзіліся 20 верасня
- Нарадзіліся ў 1938 годзе
- Нарадзіліся ў РСФСР
- Памерлі 1 кастрычніка
- Памерлі ў 2017 годзе
- Памерлі ў Мінску
- Выпускнікі Санкт-Пецярбургскай мастацка-прамысловай акадэміі
- Супрацоўнікі Белдзяржпраекта
- Выкладчыкі Беларускай акадэміі мастацтваў
- Выкладчыкі Інстытута сучасных ведаў імя А. М. Шырокава
- Члены Саюза архітэктараў СССР
- Члены Беларускага саюза архітэктараў
- Члены Беларускага саюза мастакоў
- Узнагароджаныя Граматай Прэзідыума Вярхоўнага Савета БССР
- Асобы
- Архітэктары паводле алфавіта
- Архітэктары Беларусі
- Мастакі Беларусі
- Архітэктары Мінска
- Педагогі Беларусі