Васіль Адамавіч Шкурко

Васіль Адамавіч Шкурко
Васіль Адамавіч Шкурко
Дата нараджэння	17 красавіка 1919
Месца нараджэння	Буркі, Рэчыцкі павет, Менская губерня, БССР, Літоўска-Беларуская Савецкая Сацыялістычная Рэспубліка;
Дата смерці	21 мая 1998 (79 гадоў)
Грамадзянства	СССР; Беларусь;
Род дзейнасці	навуковец
Навуковая сфера	правазнаўства
Месца працы	Нацыянальная акадэмія навук Беларусі; БДУ; Іркуцкі дзяржаўны ўніверсітэт[d];
Навуковая ступень	кандыдат юрыдычных навук (1953)
Навуковае званне	прафесар (1979);
Альма-матар	юрыдычны факультэт СПбДУ (1950); Рэчыцкае педагагічнае вучылішча (1937);
Узнагароды	;

Васіль Адамавіч Шкурко́^[1] (17 красавіка 1919 — 21 мая 1998^[2]) — вучоны ў галіне юрыспрудэнцыі, кандыдат юрыдычных навук (1953), прафесар (1979).

Біяграфія[правіць | правіць зыходнік]

Нарадзіўся ў вёсцы Буркі Рэчыцкага павета Мінскай губерні (сучасны аграгарадок у Брагінскім раёне Гомельскай вобласці Беларусі). У 1937 годзе скончыў педагагічнае вучылішча ў Рэчыцы. Працаваў настаўнікам, дырэктарам школы і вучыўся завочна на гісторыка-філалагічным факультэце Гомельскага педагагічнага інстытута^[3]. У лістападзе 1939 года быў прызваны на службу ў Чырвоную Армію^[3]. У час Вялікай Айчыннай вайны на фронце, старшы сяржант, памочнік камандзіра ўзвода 28-га карпуснога артылерыйскага палка^[3]. У 1950 годзе скончыў юрыдычны факультэт Ленінградскага дзяржаўнага ўніверсітэта, у 1953 годзе — аспірантуру пры ім і абараніў кандыдацкую дысертацыю на тэму «Борьба со служебной безответственностью по советскому уголовному праву»^[3]. Са снежня 1953 па ліпень 1958 года працаваў у Іркуцкім універсітэце старшым выкладчыкам, дацэнтам, загадчыкам кафедрай крымінальнага права і працэса^[3]. У 1958—1962 гадах старшы навуковы супрацоўнік Аддзела прававых навук Акадэміі навук БССР. З верасня 1962 года В. А. Шкурко ў Беларускім дзяржаўным універсітэце — дацэнт кафедры крымінальнага права і працэса, у 1965—1972 гадах дэкан юрыдычнага факультэта.

Навуковая дзейнасць[правіць | правіць зыходнік]

В. А. Шкурко належаць працы па пытаннях крыміналогіі, крымінальнага права, арганізацыі барацьбы са злачыннасцю. Аўтар больш за 60 навуковых прац, у тым ліку 7 манаграфій, 12 падручнікаў і навучальных дапаможнікаў, вядучы аўтар навукова-практычных каментарыяў да Крымінальнага кодэксу Беларускай ССР (1979, 1989)^[3].

Сярод апублікаванага:

Уголовное право БССР. Т. 1. Часть общая. — Мн. 1978;
Совершенствование уголовно-правовых мер борьбы с преступностью. — Минск: Изд-во БГУ, 1980 (у сааўтарстве);
Охота, рыболовство и закон. — Минск: «Беларусь», 1982;
Исправительно-трудовое право БССР. — Минск: «Университетское», 1987 (у сааўтарстве);
Браконьерство и борьба с ним. — Минск, «Университетское», 1986;
Преступления совершаемые в строительстве // Юридический справочник строителя. — Минск «Беларусь», 1990.

Падрыхтаваў трох кандыдатаў навук^[3].

Узнагароды[правіць | правіць зыходнік]

Ордэн Айчыннай вайны 1-й ступені
Медаль «За адвагу» і іншыя медалі
Ганаровая грамата Вярхоўнага Савета БССР

Зноскі

↑ БелЭн 2003.
↑ Шкурко Васіль Адамавіч на сайце анлайн-энцыклапедыі «Беларусь у асобах і падзеях»
↑ ^а ^б ^в ^г ^д ^е ^ё Шкурко Василий Адамович Архівавана 1 снежня 2020. (руск.) // Юрыдычны факультэт БДУ

Літаратура[правіць | правіць зыходнік]

Шкурко Васіль Адамавіч // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — С. 434. — 10 000 экз. — ISBN 985-11-0035-8. — ISBN 985-11-0279-2 (т. 17).

Спасылкі[правіць | правіць зыходнік]

Беляева Л. В. Шкурко Василий Адамович Архівавана 1 снежня 2020. (руск.) // Юрыдычны факультэт БДУ
Шкурко Василий Адамович // Знаменитые люди Гомельщины (руск.)

[FOOTNOTEБелЭн2003-1] БелЭн 2003.

[НББ-2] Шкурко Васіль Адамавіч на сайце анлайн-энцыклапедыі «Беларусь у асобах і падзеях»

[bsu-3] а ^б ^в ^г ^д ^е ^ё Шкурко Василий Адамович Архівавана 1 снежня 2020. (руск.) // Юрыдычны факультэт БДУ

[1]

[2]

[3]