Возера Накуру

	Накуру
	Nakuru
Каардынаты: 0°22′00″ пд. ш. 36°05′09″ у. д. / 0.366667° пд. ш. 36.085833° у. д. (G) (O) (Я)
Краіна	Кенія
Вышыня над узроўнем мора	1754 м
Даўжыня	9.7 км
Шырыня	6.9 км
Плошча	44 км²
Аб'ём	0.09 км³
Найбольшая глыбіня	4.5 м
Сярэдняя глыбіня	2.5 м
Плошча вадазбору	1800 км²
; Накуру
	Катэгорыя на Вікісховішчы

Каардынаты: 0°22′00″ пд. ш. 36°05′09″ у. д. / 0.366667° пд. ш. 36.085833° у. д. ^(G) ^(O) ^(Я)-0.366667, 36.085833

Наку́ру (суахілі: Nakuru) — салёнае возера ў Рыфтавай даліне Кеніі. Плошча паверхні - 44 км². Найбольшая глыбіня - 4,5 м. Плошча вадазбору - 1800 км².

Геаграфія [правіць]

Возера Накуру месціцца ў Вялікай рыфтавай даліне на вышыні 1754 м над узроўнем мора ў 131,3 км на паўночны захад ад Найробі і ў 6085,54 км на паўднёвы ўсход ад Мінска. Мае тэктанічнае паходжанне. Плошча паверхні - каля 44 км². Даўжыня - 9,7 км. Найбольшая шырыня - 6,9 км. Сярэдняя глыбіня - 2,5 м. Найбольшая глыбіня - 4,5 м. Аднак трэба мець на ўвазе, што ўзровень вады і абрысы возера моцна залежаць ад навакольнага асяроддзя. У 1990-ыя гг., калі ва Ўсходняй Афрыцы панавала засуха, плошча паверхні скарачалася да 4 - 5 км². У 2000-ыя гг. ўзровень вады наадварот павышаўся. Плошча вадазбору - 1800 км².

Прырода [правіць]

Вада ў Накуру салёная, аднак прыдатная для існавання водарасцяў Cyanophyte Platensis, якія з'яўляюцца каштоўным кормам для дробных рачкоў і фламінга і надаюць возеру зелянявы колер. Даліна вакол Накуру знакаміта сваёй біялагічнай разнастайнасцю. Непасрэдна да возера прымыкаюць шчолачныя балоты. За імі пачынаюцца саванна і лес (усяго 550 відаў раслін). Тут жыве 56 відаў сысуноў, у тым ліку ільвы, бабуіны, насарогі, буйвалы і г. д. Шмат птушак, з якіх вылучаюцца чырвоныя фламінга.

Ахова [правіць]

У 1961 г. быў створаны Нацыянальны парк возера Накуру, які займае плошчу 188 км². Ён кіруецца Службай дзікай прыроды Кеніі.

У 2011 г. Накуру разам з азёрамі Багорыя і Элементэйта (агульная назва Сістэма азёр у Вялікай рыфтавай даліне) было ўключана ў Спіс аб'ектаў Сусветнай спадчыны ЮНЕСКА.

Аднак працягваюць існаваць пагрозы для далейшага захавання некранутай прыроды возера. Землі вакол Накуру шчыльна заселены, прычым горад Накуру непасрэдна мяжуе з нацыянальным паркам. Хаця гэта забаронена, мясцовае насельніцтва працягвае карыстацца вадой з возера для паліву палеткаў. Сцёкі з гарадской каналізацыі некалькі разоў траплялі ў возера, атручвалі ў ім ваду, што выклікала масавую згубу птушак.