Вусач

? Вусач
Навуковая класіфікацыя
Царства:	Жывёлы
Падцарства:	Эўметазоі
Падраздзел:	Другаснаротыя
Тып:	Хордавыя
Падтып:	Хрыбетныя
Надклас:	Чатырохногія
Клас:	Рыбы
Падклас:	Neopterygii
Інфраклас:	Касцiстыя рыбы
Надатрад:	Ostariophysi
Атрад:	Карпападобныя
Сямейства:	Карпавыя
Род:	Barbus
Від:	Вусач
Навуковая назва
Barbus barbus
Сістэматыка на ВікіВідах Выявы ў ВікіСховішчы

Вусач (Barbus barbus) — рыба сямейства карпавых атрада карпападобных.

Пашыраны ў многіх рэках Еўропы. У Беларусі ёсць у рэках басейна Нёмана, Дняпра і Буга; жыве на ўчастках рэк з галечным і камяністым грунтам і хуткай плынню; занесены ў Чырвоную кнігу. Мясцовыя назвы: на Дняпры — мірон, радзей марэна, марона, на Нёмане — келб, або марскі келб. Даўжыня 40 — 60, часам да 90 см, маса 2 — 3, зрэдку да 10 кг. Цела доўгае, амаль цыліндрычнае, спінка зеленавата-жаўтаватая, аліўкава-зялёная, брушка белаватае, бураватае. Спінны і хваставы плаўнікі цёмныя, астатнія чырванаватыя. На рыле 4 вусікі (адсюль назва). Корміцца чарвямі, лічынкамі насякомых, малюскамі, ракападобнымі, воднымі раслінамі. Мяркуюць, што ікра ядавітая. Каштоўны прамысловы від.

Крыніцы

• Белы А. Вусач // Праект «Наша ежа»