Віталь Іванавіч Еўмянькоў

Віталь Іванавіч Еўмянькоў
Дата нараджэння	5 чэрвеня 1976(1976-06-05)
Месца нараджэння	Магілёў, Магілёўская вобласць, БССР, СССР
Дата смерці	25 снежня 2022(2022-12-25) (46 гадоў)
Месца смерці	Магілёў, Магілёўская вобласць, Беларусь
Род дзейнасці	літаратуразнавец, пісьменнік, выкладчык
Месца працы	МДУ імя А. А. Куляшова
Альма-матар	МДУ імя А. А. Куляшова
Член у	Саюз беларускіх пісьменнікаў

Віталь Іванавіч Еўмянькоў (5 чэрвеня 1976, Магілёў — 25 снежня 2022, Магілёў) — беларускі літаратуразнаўца, пісьменнік, журналіст.

Жыццяпіс

Скончыў МДУ. Служыў у арміі. Выкладчык МДУ (1999). Кандыдат філалагічных навук (2006). Абараніў дысертацыю па тэме «Адам Міцкевіч і духоўна-эстэтычныя пошукі ў літаратуры Беларусі XIX ст.». Працаваў на кафедры літаратуры і міжкультурных камунікацый. Гаварыў па-беларуску. Даследаваў гісторыю беларускай літаратуры, асабліва часу Рэчы Паспалітай.

Выкладаў журналістыку. Рэдагаваў сайт city.mogilev.by і гарадскі партал mycity.by (2009—2012).

Напісаў мастацкія апавяданні, аповесць «Пялёсткі белай ружы», гістарычныя паэмы «Хоцімская вайна», «Філаматы». Друкаваўся ў магілёўскім гадавіку «Брама» і часопісе «Маладосць». Перакладаў з польскай мовы. Сябра Саюза беларускіх пісьменнікаў.

Вясной 2021 звольнены з універсітэта па палітычных матывах (адначасова з Аляксандрам Агеевым і Ігарам Шарухам).

Памёр 25 снежня 2022 года.

Спасылкі

• Спіс навуковых твораў
• Старонка СБП
• Памёр Віталь Еўмянькоў
• У Магілёве памёр Віталь Еўмянькоў