Віцебск, манітор

З пляцоўкі Вікіпедыя
Перайсці да: рух, знайсці
ORP Warszawa (1920).jpg

«Віцебск» — манітор, адносіцца да тыпу «Жытомір»; адзін з пяці манітораў гэтага тыпу.

Гісторыя карабля[правіць | правіць зыходнік]

Як і большасць манітораў дадзенага тыпу, «Віцебск» быў пабудаваны ў горадзе Данцыг ​​на суднаверфі Danziger Werft і 13 жніўня 1920 года пад назвай «Warszawa» увайшоў у склад рачной флатыліі Польшчы. Манітор быў затоплены экіпажам на рацэ Прыпяць 18 верасня 1939 года пры набліжэнні Чырвонай Арміі. 11 кастрычніка 1939 года спецыяльнай групай ЭПРОН манітор быў узняты і адбуксіраваны ў Кіеў для рамонту.

Адрамантаваны карабель ўступіў у строй 24 кастрычніка 1939 года і ўвайшоў у склад Дняпроўскай ваеннай флатыліі, а 17 ліпеня наступнага года быў уключаны ў склад Пінскай ваеннай флатыліі, сфармаванай з судоў Дняпроўскай.

Пачатак Вялікай Айчыннай вайны «Віцебск» сустрэў у складзе дывізіёна манітораў у Пінску і пайшоў у накірунку да Брэста, але ўжо 24 чэрвеня вярнуўся ў Пінск. 28 чэрвеня з пакіданнем Пінска карабель адступіў да Лунінца, а 12 ліпеня перайшоў у раён Рэчыцы для падтрымкі контрудару 21-й арміі. 15 ліпеня карабель высадзіў дэсант партызан каля вёскі Новая Беліца і ажыццявіў агнявую падтрымку, аднак, патрапіўшы пад зваротны артабстрэл, адышоў.

З ліпеня па верасень 1941 карабель прымаў удзел у баях на Бярэзіне пад Бабруйскам, у раёне Остра на Дзясне, у Дамантова, Сухалучча і пад Кіевам на Дняпры. Летам 1941 г. прадстаўлены Ваенным Саветам Паўднёва-Заходняга фронту да ўзнагароджання ордэнам Чырвонага Сцяга.

З 16 па 18 верасня 1941 г. «Віцебск» прыкрываў раён перапраў каля Кіева. 18 жніўня на Бярэзіне ў раёне Берагавой слабады «Віцебск» патрапіў пад удар авіяцыі, але атрымаў нязначныя пашкоджанні.

31 жніўня ў сувязі з выхадам гітлераўскіх войскаў да Дняпра «Віцебск» удзельнічаў у прарыве да Кіева. У раёне вёскі Сваром'е карабель атрымаў прамы ўдар. Калі савецкія войскі адступілі ад Кіева, у раёне вёскі Хацінкі 18 верасня 1941 года, манітор «Віцебск» быў падарваны экіпажам. 6 кастрычніка 1941 г манітор быў выключаны са спісаў судоў ВМФ.

У жніўні 1944 года карабель быў узняты, адбуксіраваны ў Кіеў, але з-за немэтазгоднасці рамонту здадзены «Главвторчермету» для раздзелкі на метал.